Venetus A (Marciana 454 = 822), folio 21, recto

previous	next
msA 20v	msA 21v

Iliad text (25 lines)

Iliad 1.452: Κίλλάν τε ζαθέην: Τενέδοιό τε. ἶ̈φι ἀνάσσεις:

Iliad 1.453: ἤδη μέν ποτ’ ἐμεῦ πάρος ἔκλυες εὐξαμένοιο:

Iliad 1.454: τίμησας μὲν ἐμέ, μέγα δ ἴ̈ψαο λαὸν Ἀχαιῶν :

Commented on by msAil 1.1191, msAim 1.1188

Iliad 1.455: ἠδ’ ἔτι καὶ νῦν μοι τόδ’ ἐπικρήηνον ἐέλδωρ:

Iliad 1.456: ἤδη νῦν Δαναοῖσιν ἀεικέα λοιγὸν ἄμυνον:

Iliad 1.457: ὡς ἔφατ’ εὐχόμενος. τοῦ δ’ ἔκλυε Φοῖβος Ἀπόλλων :

Iliad 1.458: αὐτὰρ ἐπεί ῥ εὔξαντο καὶ οὐλοχύτας προβάλοντο:

Commented on by msAil 1.1192

Iliad 1.459: αὐέρυσαν μὲν πρῶτα καὶ ἔσφαξαν καὶ ἔδειραν

Commented on by msA 1.1177

Iliad 1.460: μηρούς τ’ ἐξέταμον: κατά τε κνίσῃ ἐκάλυψαν

Iliad 1.461: δίπτυχα ποιήσαντες: ἐπ’ αὐτῶν δ`’ ὠμοθέτησαν:

Commented on by msA 1.1178

Iliad 1.462: καῖε δ’ ἐπὶ σχίζῃς ὁ γέρων: ἐπὶ δ’ αἴθοπα οἶνον

Commented on by msAil 1.1193

Iliad 1.463: λεῖβε: νέοι δὲ παρ’ αὐτὸν ἔχον πεμπώβολα χερσίν.

Iliad 1.464: αὐτὰρ ἐπεὶ κατὰ μῆρ’ ἐκάη καὶ σπλάγχν’ ἐπάσαντο:

Commented on by msA 1.1179, msAil 1.1194, msAim 1.1189

Iliad 1.465: μίστυλλον τ’ ἄρα τ’ ἄλλα καὶ ἀμφ’ ὀβελοῖσιν ἔπειραν:

Commented on by msA 1.1180

Iliad 1.466: ὤπτησάν τε περιφραδέως, ἐρύσαντό τε πάντα.

Iliad 1.467: αὐτὰρ ἐπεὶ παύσαντο πόνου τετύκοντό τε δαῖτα.

Commented on by msA 1.1181, msA 1.1182

Iliad 1.468: δαίνυντ’, οὐδέ τι θυμὸς ἐδεύετο δαιτὸς ἐΐσης:

Commented on by msAil 1.1195

Iliad 1.469: αὐτὰρ ἐπεὶ πόσιος καὶ ἐδητύος ἐξ ἔρον ἕντο.

Commented on by msA 1.1183, msAil 1.1196, msAil 1.1197

Iliad 1.470: κοῦροι μὲν κρητῆρας ἐπεστέψαντο ποτοῖο:

Commented on by msAint 1.1190, msA 1.1184

Iliad 1.471: νώμησαν δ`’ ἄρα πᾶσιν ἐπαρξάμενοι δεπάεσσιν:

Commented on by msAil 1.1198

Iliad 1.472: οἱ δὲ πανημέριοι μολπῇ θεὸν ἱ̈λάσκοντο:

Commented on by msA 1.1185, msAil 1.1199, msAil 1.1200

Iliad 1.473: καλὸν ἀείδοντες παιήονα κοῦροι Ἀχαιῶν .

Commented on by msA 1.1186, msAil 1.1201

Iliad 1.474: μέλποντες ἑκάεργον: ὁ δὲ φρένα τέρπετ’ ἀκούων:

Commented on by msA 1.1187

Iliad 1.475: ἦμος δ’ ἠέλιος κατέδυ καὶ ἐπὶ κνέφας ἦλθε.

Commented on by msAil 1.1202

Iliad 1.476: δὴ τότε κοιμήσαντο παρα πρυμνήσια νηός:

Commented on by msAil 1.1203, msAil 1.1204

Other texts (22 passages)

Scholia group: msA

msA 1.1177: ‡αὐέρυσαν μὲν πρῶτα εἰς τοῦπίσω ἀνέκλων τὸν τράχηλον τοῦ θυομένου ϊερείου ὡς προσέχειν εἰς οὐρανὸν τοῖς θεοῖς οἷς καὶ ἐθύοντο ὡς καὶ αὐτῶν όντων ἐν ουνω πάλιν δὲ τοῖς ἥρωσιν ὡς κατοιχομένοις ἔντομα ἔθυον ἀποβλέπων τὰ κάτω εἰς γῆν⁑

Comments on 1.459

msA 1.1178: ὠμοθέτησαν ἀπο τῶν ωμῶν ἱερείων ἀπαρξάμενοι ἔκοψαν μικρὸν ἀπο παντὸς μέρους καὶ ἐπέθηκαν ἐπι τὰ μηρία ὡς δοκεῖν ὅλα τὰ μέλη τοῦ ιερείου καρποῦσθαι δι ὃ ἡ διπλῇ

Comments on 1.461

msA 1.1179: αὐτὰρ ἐπεὶ κατὰ μηρ’ ἐκάη Πτολεμαῖος τὸ ε τελευταῖον λαμβάνει τοῦ μῆρε ἵνα Ϊακώτερον εκδέξηται τὸ κάη : καὶ Ἀρισταρχος δὲ οὕτως, δύναται δὲ καὶ ἐκάη εἶναι τὸ πλῆρες ἐκθλίψεως γενομενης τοῦ α ὥσπερ καὶ ἐπι τοῦ ἐντελεστέρου αὐτοῦ ὁρῶμεν, η εἰ δη ποτέ τοι κατα πίονα μηρι ἐκηα . τὸ δὲ τοιοῦτο πολὺ παρα τῷ ποιητῇ λέγω δὲ τὸ καὶ τὸν χρόνον τὸν ἔξωθεν φυλάσσειν τὸ ῥῆμα καὶ συνάρχεσθαι τῷ ἐνεστῶτι, ἀπεφηνάμην δὲ ἐντελέστερον τὸ μηρίον τοῦ μηρον ἐκ γὰρ συγκοπῆς αὐτοῦ ἐγεγόνει ἐπεί τοι εὐθύνεται ὁ τόνος: τὰ γὰρ εἰς ος λήγοντα μεταπλασσόμενα εἰς οὐδέτερον γενος τὸ εἰς ον λῆγον τὸν αὐτὸν τόνον φυλάσσει ὁ ζυγός , τὸ ζυγόν τὰ ζυγά , δίφρος δίφρον δίφρα : ὅθεν εἰ καὶ μηρός καὶ μηρὸν καὶ μηρά εἰ δε μῆρα καὶ μήρους , εἰ δε δοίημεν ὅτι κυρίως τὰ ἁγιαζόμενα θεοῖς μῆρα καλεῖται τὸ περι τοῦ σημαινομένου καὶ τοῦ περὶ τὸν τόνον ἁμαρτήματος τὴν λέξιν ἀπολύει⁑

Comments on 1.464

msA 1.1180: ἄρα τ’ άλλα Πτολεμαῖος ὡς τ’ άργ’ ἄλλα ἡ μέντοι κοινὴ ἀνάγνωσις παραπληρωματικὸν ἔλαβε τὸν τε σύνδεσμον, ἐν ἐκείνῳ δὲ συνεσταλμένον τὸ α ἐφύλαξεν καθότι ήδη ἔθος ἐστὶ τῷ ποιητῇ ἐλλείπειν τοῖς ἄρθροις⁑

Comments on 1.465

msA 1.1181: ἀὐτὰρ ἐπεὶ παύσαντο πόνου ὅτι πόνον τὸ επι τῆς ἱερουργιας ἔργον οὐδέποτε δὲ τὴν ἀλγιδόνα πόνον εἴρηκεν⁑

Comments on 1.467

msA 1.1183: ἐξ έρον ἕντο τὸ μὲν ἔρον ὡς Αἰολικὸν ψιλωτέον ἠ καθ ὃ τὸ ε καὶ α προ τοῦ ρ φωνήεντος επιφερομένου ψιλοῦται τὸ δὲ ἕντο δασεώς ἔστι γὰρ παρα τὸ ἵ¨ημι β ao ἧν και εἷς ἡ μετοχή καὶ ἀφεῖς: έμαι , έμην ἕσο ἕτο ἕντο : ταῦτα δὲ καὶ πλεονάζουσι τὸ ϊ πολλαχοῦ⁑

Comments on 1.469

msA 1.1184: κούροι μὲν κρητήρας: ἀρχαῖον ἔθος οἰνοχοεῖν τοὺς νέους δι ὃ καὶ παίδας μέχρι τοῦ νῦν τοὺς δούλους φαμεν καὶ Γανυμήδης καὶ Ἥβη ὑπηρέται θεῶν εἰσιν⁑

Comments on 1.470

msA 1.1186: καλὸν ἀείδοντες ὅτι παιήονα οὐ τὸν Ἀπόλλωνα ἀλλὰ τὸν επι καταλύσει λοιμοῦ ὕμνον καὶ τὸ καλὸν ἀντι τοῦ καλῶς ⁑

Comments on 1.473

msA 1.1187: μέλποντες ἑκάεργον ἀθετεῖται ὅτι νομίσας τις τὸν Ἀπόλλωνα Παιήονα εἰρῆσθαι προσέθηκεν αὐτόν καὶ γίνεται δισσολογία προείρηκε γὰρ οἱ δὲ πανημέριοι μολπῇ θεὸν ϊλάσκοντο : ἀπο δὲ τοῦ εἰπεῖν τὸν ποιητὴν τὸ ὁ δὲ φρένα τέρπετ’ ἀκούων διδάσκει ἡμᾶς ὅτι πλέον τῶν θυσιῶν τέρπονται οἱ θεοὶ τοῖς οἰκείοις ἕκαστος ὕμνοις⁑

Comments on 1.474