Venetus A (Marciana 454 = 822), folio 20, recto

previous	next
msA 19v	msA 20v

Iliad text (25 lines)

Iliad 1.402: ὦκ’ ἑκατόγχειρον καλέσασ’ ἐς μακρὸν Ὄλυμπον :

Commented on by msAint 1.1076

Iliad 1.403: ὃν, Βριάρεων καλέουσι θεοὶ: ἄνδρες δέ τε πάντες

Commented on by msA 1.1059

Iliad 1.404: Αἰγαίων’ : ὃ γὰρ αὖτε βίῃ, οὗ, πατρὸς ἀμείνων:

Commented on by msA 1.1060, msAim 1.1072

Iliad 1.405: ὅς ῥα παρὰ Κρονίωνι καθέζετο κύδεϊ γαίων:

Iliad 1.406: τὸν καὶ ὑπέδδεισαν μάκαρες θεοὶ: οὐδ έτ’ ἔδησαν:

Iliad 1.407: τῶν νῦν μιν μνήσασα, παρἕζεο. καὶ λάβε γούνων:

Iliad 1.408: αἴ κέν πως ἐθέλῃσιν ἐπὶ Τρώεσσιν ἀρῆξαι.

Commented on by msAil 1.1079

Iliad 1.409: τοὺς δὲ κὰτὰ πρύμνας τε καὶ ἀμφ’ ἅλα ἔλσαι Ἀχαιοὺς

Commented on by msAil 1.1080, msAil 1.1081, msAil 1.1082

Iliad 1.410: κτεινομένους. ἵνα πάντες ἐπαύρωνται βασιλῆος:

Commented on by msAil 1.1083

Iliad 1.411: γνῷ δὲ καὶ Ἀτρείδης εὐρὺ κρείων Ἀγαμέμνων

Iliad 1.412: ἣν, ἄτην: ὅ τ’ ἄριστον Ἀχαιῶν οὐδὲν ἔτισεν:

Commented on by msAil 1.1084, msAim 1.1073

Iliad 1.413: τὸν δ’ ἠμείβετ’ ἔπειτα Θέτις κατὰ δάκρυ χέουσα:

Iliad 1.414: ᾤμοι τέκνον ἐμόν, τί νύ σ’ ἔτρεφον αἰνὰ τεκοῦσα:

Iliad 1.415: αἴθ’ ὄφελες παρὰ νηυσὶν ἀδάκρυτος καὶ ἀπήμων

Commented on by msA 1.1063, msAil 1.1085, msAil 1.1086

Iliad 1.416: ἧσθαι: ἐπεί νύ τοι αἶσα μίνυνθά περ οὔ τι μάλα δήν:

Commented on by msAil 1.1087, msAil 1.1088, msAil 1.1089

Iliad 1.417: νῦν δ’ ἅμα τ’ ὠκύμορος, καὶ ὀϊζυρὸς περὶ πάντων

Commented on by msAil 1.1090, msAil 1.1091

Iliad 1.418: ἔπλεο: τῷ σε κακῇ αἴσῃ τέκον ἐν μεγάροισιν:

Commented on by msA 1.1064, msAil 1.1092

Iliad 1.419: τοῦτο δέ τοι ἐρέουσα ἔπος Διῒ τερπικεραύνῳ

Iliad 1.420: εἰμ’ αὐτὴ πρὸς Ὄλυμπον ἀγάννιφον: αἴ κε πίθηται:

Commented on by msA 1.1065, msA 1.1066, msA 1.1067, msAim 1.1074

Iliad 1.421: ἀλλὰ σὺ μὲν νῦν νηυσὶ παρἥμενος ὠκυπόροισι

Iliad 1.422: μήνι’ Ἀχαιοῖσι : πολέμου δ’ ἀποπαύεο πάμπαν:

Iliad 1.423: Ζεὺς γὰρ ἐς Ὠκεανὸν μετ’ ἀμύμονας Αἰθιοπῆας

Commented on by msA 1.1069

Iliad 1.424: χθιζὸς ἔβη μετὰ δαῖτα: θεοὶ δ’ ἅμα πάντες ἕποντο:

Commented on by msAint 1.1078, msAil 1.1093, msAim 1.1075

Iliad 1.425: δωδεκάτῃ δέ τοι αὖτις ἐλεύσεται οὔλυμπον δέ:

Commented on by msA 1.1071

Iliad 1.426: καὶ τότ’ ἔπειτά τοι εἶμι Διὸς ποτὶ χαλκοβατὲς δῶ.

Commented on by msAil 1.1094

Other texts (27 passages)

Scholia group: msA

msA 1.1059: ‡ὃν Βριάρεων καλέουσι τῶν διωνύμων τὸ μὲν πρότερον ὄνομα Ὅμηρο εἰς θεοὺς ἀναφέρει: τὸ δε δεύτερον εἰς ἀνους ὡς καὶ τὸ χαλκίδα κικλίσκουσι θεοὶ ἄνδρες δέ τε κύμινδιν : καὶ περι τοῦ ποταμοῦ ὃν Ξανθον καλέουσι θεοὶ ἄνδρες δέ τε Σκάμανδρον ⁑

Comments on 1.403

msA 1.1061: ὅς ῥα παρὰ Κρονίωνι ὅτι ἐντευθεν επι τοῦ Ἄρεῳς λεγεται οὐκ ορθῶς πὰρ δὲ Διῒ Κρονίωνι καθέζετο κύδεϊ γαίων : Ὅμηρος δὲ ὡς Στωϊκὸς Ποσειδῶνος αὐτὸν εἶναι φησίν ἢ ὅτι φησὶ παύροι δέ τε πατρὸς ἀρείους ⁑

Comments on 1.404-1.405

msA 1.1064: ἔπλεο λέγεται τὴν Θέτιν παρὰ Διὸς μαθεῖν τὰ περι Αχιλλεως ὅτι εἰ μὲν μείνει ἐν τῇ Φθια μὴ συμπλεύσας τοῖς Ἕλλη εἰς τὴν Ἴλιον πολλὴ μὲν έσται αὐτῷ ἡ ζωὴ ἄδοξος δὲ: ει δε συνανέλθοι αὐτοῖς έσται ὁλιγοχρόνιος μὲν ἀλλ αοίδιμος καὶ εὐκλεής: ὅθεν ὡς προειδυῖα ἡ Θέτις τοῦτο ἦν αὐτὸν παραθεμένη εἰς τὸν Λυκομήδους παρθενῶνα ὡς κόρην ἐν τῇ Σκύρω : ἔστι δὲ μία τῶν Κυκλάδων ⁑

Comments on 1.418

msA 1.1066: ἀγάννιφον τὰ ἄκρα τοῦ Ὀλυμπου ὡς ὑπερνεφῆ οὔτε νείφεται οὔτε κατομβρεῖται κατ αυτὸν τὸν ποιητὴν λέγοντα: ὀλυμπόν τ’ ὅθι φασὶ θεῶν ἔδος ἀσφαλὲς αἰεὶ έμμεναι οὔτ’ ἀνέμοισι τινασσόμενον οὔτε ποθ’ όμβρω δεύεται οὔτε χιων ἐπιπίλναται ἀλλὰ μάλ’ αἴθρη πέπταται ἀνέφελος λευκὴ δ’ ἐπιδέδρομεν αἴγλη ἀγάννιφον οὖν ἡ τὸν πάνυ κατανειφόμενον ἠ τὸν οὔτε ὅλως⁑

Comments on 1.420

msA 1.1067: τὸ νείφω σημαίνει: τὸ βρέχω ὅπερ γράφεται δια τῆς ει διφθόγγου ἐξ οῦ νέφος καὶ νεφρός : νίφω τὸ χιονίζω δια τοῦ ϊ ἐξ οῦ τὸ ἀγάννιφον : νήφω τὸ σπένδω δια τοῦ η ἐξ οῦ νηφάλια ξύλα : νήφω τὸ προσέυχω καὶ δια τοῦ η τοῦτο ἐξ οῦ τὸ νήφων προσεύχου ⁑

Comments on 1.420

msA 1.1068: ἀλλὰ σὺ μὲν νῦν τὸ νῦν ἀντὶ τοῦ δη διὸ καὶ Τυραννίων ἠξίου ὀξύνειν οὐκ εῦ:

Comments on 1.421-1.422

msA 1.1069: Αἰθιοπῆας: ὅμοιόν ἐστι τὸ ἡνιοχῆας δισσοὶ δέ εισὶν οἱ Αἰθίοπες ὑπο Νείλου ὁριζόμενοι ὡς ἡ Ϊθάκη καὶ αἱ λοιπαὶ νῆσοι τινὲς δὲ γράφουσιν μετα Μέμνονας Αἰθιοπῆας . ἔθνος δὲ οὗτοι⁑

Comments on 1.423

msA 1.1070: χθιζὸς ἔβη λέξις Ἀρισταρχου εκ τοῦ Α τῆς Ἰλιάδος ὑπομνήματος: τὸ μὲν μετ αμύμονας ἐπ αμυμονας ὅ ἐστι πρὸς ἀμώμους ἀγαθούς: τὸ δὲ κατα δαῖτα ἀντι τοῦ ἐπι δαῖτα οὕτως γὰρ νῦν Ὅμηρος τέθεικεν. ἔνιοι δὲ ποιοῦσι μετα δαῖτα ὅπως ᾖ αὐτοῖς αὐτόθεν τὸ μετα ἐπι χρῶνται δὲ καὶ πλείονες ἄλλοι τῶν ποιητῶν τῇ κατὰ ἀντι τῆς ἐπι Σοφοκλῆς ἐγὼ κατα αυτὸν ὡς ὁρᾶς ἐξέρχομαι : οὕτως δὲ εὕρομεν καὶ ἐν τῇ Μασσαλιωτικῆ καὶ Σινωπικῇ καὶ Κυπρίᾳ καὶ Ἀντιμαχίῳ : καὶ Ἀριστοφανείῳ : Καλλίστρατος δὲ ἐν τῷ Πρὸς τὰς ἀθετήσεις ὁμοίως καὶ ὁ Σιδώνιος καὶ ὁ Ἰ¨ξίων ἐν τῷ ς Προς τὰς ἐξηγήσεις , καὶ τὸ θεοὶ δὲ πάντες ἔπονται δια τοῦ αι :

Comments on 1.423-1.424

msA 1.1071: δωδεκάτῃ δέ τοι: φασὶν ἐν Διοσπόλει μέγιστον εἶναι Διὸς ἱερόν αφ οῦ λαμβάνοντας τὸ ξόανον Αἰθίοπας μετα καὶ τῶν ἄλλων ἐγχωρίων θεῶν κατά τινα χρόνον. περινοστεῖν τὰ μέρη τῆς Λιβύης , καὶ πολυτελεῖς ποιεῖν πανηγύρεις ἐπι δώδεκα ἡμέρας ὅτι καὶ τοσοῦτοι οἱ θεοί⁑

Comments on 1.425