Venetus A (Marciana 454 = 822), folio 69, recto
previous | next |
---|---|
msA 68v | msA 69v |
Iliad text (25 lines)
Iliad 5.336: ἄκρην οὔτασε χεῖρα μετάλμενος ὀξέι δουρὶ
Iliad 5.337: ἀμβληχρὴν εἶθαρ δὲ δόρυ χροὸς ἀντετόρησεν,
Iliad 5.338: ἀμβροσίου διὰ πέπλου: ὅν οἱ Χάριτες κάμον αὐταί:
Iliad 5.339: πρυμνὸν ὑπὲρ θέναρος: ῥέε δ’ ἄμβροτον αἷμα θεοῖο:
Iliad 5.340: ἰχὼρ: οἷος πέρ τε ῥέει μακάρεσσι θεοῖσιν:
Iliad 5.341: οὐ γὰρ σῖτον ἔδους’ οὐ πίνους’ αἴθοπα οἶνον:
Iliad 5.342: τούνεκ’ αναίμονές εἰσι καὶ ἀθάνατοι καλέονται:
Iliad 5.343: ἡ δὲ μέγ’ ἰάχουσα ἀπὸ ἕο κάμβαλεν υἱόν:
Iliad 5.344: καὶ τὸν μὲν μετὰ χερσὶν ἐρύσατο Φοῖβος Ἀπόλλων :
Iliad 5.345: κυανέῃ νεφέλῃ: μή τις Δαναῶν ταχυπώλων
Iliad 5.346: χαλκὸν ἐνὶ στήθεσσι βαλὼν ἐκ θυμὸν ἕλοιτο:
Iliad 5.347: τῇ δ’ ἐπὶ μακρὸν ἄϋσε βοὴν ἀγαθὸς Διομήδης :
Iliad 5.348: εἶκε Διὸς θύγατερ πολέμου καὶ δηιοτῆτος:
Iliad 5.349: ἢ οὐχ ἅλις ὅτι γυναῖκας ἀνάλκιδας ὑπεροπεύεις:
Iliad 5.350: εἰ δὲ σύ γ’ ἐς πόλεμον πωλήσεαι. ἦ τέ ς’ ὀΐω
Iliad 5.351: ῥηγήσειν πόλεμόν γε καὶ εἴ χ’ ἑτέρωθι πύθηαι.
Iliad 5.352: ὥς ἔφαθ’. ἥδ’ ἀλύους’ ἀπεβήσετο: τείρετο δ’ αἰνῶς:
Iliad 5.353: τὴν μὲν ἄρ Ἶρις ἑλοῦσα ποδήνεμος ἔξαγ’ ὁμίλου:
Iliad 5.354: ἀχθομένην ὀδύνῃσι: μελαίνετο δὲ χρόα καλόν.
Iliad 5.355: εὗρεν ἔπειτα μάχης ἐπ’ αριστερὰ θοῦρον Ἄρηα :
Iliad 5.356: ἥμενον: ἠέρι δ’ ἔγχος ἐκέκλιτο καὶ ταχέ’ ἵππω:
Iliad 5.357: ἡ δὲ γνὺξ ἐριποῦσα κασιγνήτοιο φίλοιο
Iliad 5.358: πολλὰ λισσομένη χρυσάμπυκας ᾔτεεν ἵππους:
Iliad 5.359: φίλε κασίγνητ’ ἐκκόμισαι τὲ με: δὸς δὲ μοι ἵππους,
Iliad 5.360: ὄφρ’ ἐς Ὄλυμπον ἵκωμαι: ἵν’ ἀθανάτων ἕδος ἐστὶ.
previous | next |
---|---|
msA 68v | msA 69v |