Venetus A (Marciana 454 = 822), folio 131, recto

previous	next
msA 130v	msA 131v

Iliad text (25 lines)

Iliad 10.252: ἄστρα δὲ δὴ προβέβηκε: παρωίχηκεν δὲ πλέω νὺξ:

Commented on by msA 10.2500, msA 10.2501, msAim 10.2519

Iliad 10.253: τῶν δύο μοιράων. τριτάτη δ έτι μοῖρα λέλειπται:

Commented on by msA 10.2502

Iliad 10.254: ὡς εἰπόνθ’ ὅπλοισιν ἐνὶ δεινοῖσιν ἐδύτην:

Iliad 10.255: Τυδείδῃ μὲν δῶκε μενεπτόλεμος Θρασυμήδης :

Iliad 10.256: φάσγανον ἄμφηκες. τὸ δ’ ἑὸν παρὰ νηῒ λέλειπτο.

Commented on by msAint 10.2515

Iliad 10.257: καὶ σάκος. ἀμφὶ δέ οἱ κυνέην κεφαλῇφιν ἔθηκε

Iliad 10.258: ταυρείην. ἄφαλόν τε καὶ ἄλλοφον: ἥ τε καταῖτυξ

Commented on by msAint 10.2516, msA 10.2503, msA 10.2504, msA 10.2505

Iliad 10.259: κέκληται. ῥύεται δὲ κάρη θαλερῶν αἰζηῶν:

Iliad 10.260: Μηριόνης δ’ Ὀδυσῆϊ δίδου βιὸν. ἠδε φαρέτρην.

Iliad 10.261: καὶ ξίφος. ἀμφὶ δέ οἱ κυνέην κεφαλῇφιν ἔθηκε

Iliad 10.262: ῥινοῦ ποιητὴν : πολέσιν δ’ ἔντοσθεν ϊμᾶσιν

Commented on by msAint 10.2517

Iliad 10.263: ἐντέτατο στερεῶς. ἔκτοσθε δὲ λευκοὶ ὀδόντες

Iliad 10.264: ἀργιόδοντος ὑὸς θαμέες ἔχον ἔνθα καὶ ἔνθα

Iliad 10.265: εὖ καὶ ἐπισταμένως. μέσση δ’ ἐνὶ πῖλος ἀρήρει:

Commented on by msA 10.2506, msA 10.2507, msAim 10.2514

Iliad 10.266: τήν ῥά ποτ’ ἐξ Ἑλεῶνος . Ἀμύντορος Ὀρμενίδᾱο

Commented on by msAint 10.2518, msA 10.2508

Iliad 10.267: ἐξέλετ’ Αὐτόλυκος . πυκινὸν δόμον ἀντιτορήσᾱς:

Commented on by msA 10.2509

Iliad 10.268: Σκάνδειαν δ’ ἄρα δῶκε Κυθηρίῳ Ἀμφιδάμαντι :

Commented on by msA 10.2510

Iliad 10.269: Ἀμφιδάμας δὲ Μόλῳ δῶκε ξεινήϊον εἶναι:

Iliad 10.270: αὐτὰρ ὃ Μηριόνῃ δῶκεν ᾧ παιδὶ φορῆναι:

Iliad 10.271: δὴ τότ’ Ὀδυσσῆος πύκασεν κάρη ἀμφιτεθεῖσα:

Iliad 10.272: τὼ δ’ ἐπεὶ οὖν ὅπλοισιν ἐνὶ δεινοῖσιν ἐδύτην.

Iliad 10.273: βάν ῥ’ ἰ̈έναι: λιπέτην δὲ κατ’ αὐτόθι πάντας ἀρίστους:

Commented on by msA 10.2511

Iliad 10.274: τοῖσι δὲ δεξιὸν ῆκεν ἐρῳδιὸν ἐγγὺς ὁδοῖο

Commented on by msA 10.2512

Iliad 10.275: Παλλὰς Ἀθηναίη . τοὶ δ` οὐκ ἴ̈δον ὀφθαλμοῖσι

Commented on by msA 10.2513

Iliad 10.276: νύκτα δι’ ὀρφναίην. ἀλλὰ κλάγξαντος ἄκουσαν:

Other texts (22 passages)

Scholia group: msA

msA 10.2500: ‡ ἄστρα δὲ δὴ προβέβηκε διὰ τὸ πολυθρύλλητον ζήτημα καὶ τὰς γεγονυίας ἀποδόσεις: γράφεται καὶ οὕτως, ἄστρα δὲ δὴ προβέβηκε τῶν δύο μοιράων, παροίχωκεν δὲ πλέω νὺξ, τριτάτη δ ετι μοῖρα λέλειπται : τριφύλακος γὰρ ἦν καθ Ὅμηρον ἡ νύξ. καὶ ἐν ἄλλοις. ἔσσεται ἠῶς ἢ δείλης ῆ μέσον ῆμαρ οὕτως καὶ Δωρόθεος ἐν τριακοστῷ πρώτῳ τῆς Ἀττικῆς λέξεως ἀξιοῖ γράφειν τὴν μὲν πρώτην δια τῆς οι διφθόγγου: τὴν δὲ δευτέραν διὰ τοῦ ω παροίχωκεν ἀποτεινόμενος: πολλὰ πρὸς Ἀριστὸνικον καὶ Τρύφωνα ἄλλως γράφοντας ἐπιδείξας τὸ οἴχωκεν Ϊακόν . οὕτως δὲ καὶ Ἀπολλώνιος ὁ τεχνικὸς οἶδε τὴν γραφήν ⁑

Comments on 10.252

msA 10.2501: ἄστρον ἐστιν ἀστέρων συμφόρημα ὡς Ὠρίων Ὁφιοῦχος . ἀστηρ δὲ ὡς ὅταν λέγωμεν Ἀφροδίτης ἀστὴρ ἡ Διός :

Comments on 10.252

msA 10.2503: ταυρείην ἄφαλόν τε, ἡ διπλῆ, ὅτι κυνέην μὲν καταχρηστικῶς τὴν ἐκ ταυρείου δέρματος: ἄφαλον δὲ καὶ ἅλοφον κατ επιτήδευσιν ἵνα λανθάνοιλανθάνῃ. φάλοι γὰρ τὰ ἐπι τῶν περικεφαλαιων. λαμπρὰ ασπιδίσκια: λόφοι δὲ αἱ τριχώσεις:

Comments on 10.258

msA 10.2505: καταῖτυξ εἶδος περι κεφαλαίας ἀπο τοῦ κάτω τεύχεσθαι καὶ μὴ ἔχειν λόφον. ἀλλὰ κοίλην εἶναι. ἡ καταίτυξ προπερισπᾶται. πάντα τὰ εἰς υξ συστέλλει τὸ υ , τὰ μέντοι δια τοῦ κ κλινόμενα. ἐνίοτε ἐκτείνει τὸ υ τῶ γὰρ κήρυκι Ἠπίτυκι συνέσταλται δια τὸ μέτρον ⁑

Comments on 10.258

msA 10.2506: εὐ καὶ ἐπισταμένως : ὅτι τὸ κοινὸν καὶ συμβεβηκὸς ταῖς περικεφαλαίαις εἰπόντος τοῦ ποιητοῦ ζωγράφοι καὶ πλάσται πίλιον ἐπέθεσαν τῷ Ὀδυσσεῖ ⁑

Comments on 10.265

msA 10.2507: μέσση δ’ ἐνι πῖλος: καὶ τοῦτῳ ὁμοίως τῷ προκειμένῳ ἀναγνωστέον ⁑

Comments on 10.265

msA 10.2508: τήν ῥα ποτ’ ἐξ Ελεῶνος : εἰσὶν οἳ ψιλοῦσιν. ὁ δὲ Ἀσκαλωνίτης φησὶ δασύνεσθαι: ἔστι δὲ τινὰ ἃ ἱστορία τοπικῇ κατέχεται οὕτως οὖν καὶ ἐπι τούτου: ἱστορούσι γὰρ οὕτως δασέως τὴν πο λέγεσθαι πῶς οὖν ἐν τῷ ψιλῶς ἀνέγνωμεν, οἵ τ’ Ἐλεῶν εἶχον φασὶ γὰρ κανταῦθα τὴν Βοιωτιατικὴν εἶναι πο ⁑

Comments on 10.266

msA 10.2509: Αὐτόλυκος : ὁ Ἑρμοῦ υἱός κλεπτίστατ ἀνων ⁑

Comments on 10.267

msA 10.2510: Σκάνδειαν δ’ ἄρα ὅτι ούτως εἶπεν ἀντι τοῦ εἰς Σκάνδειαν ἀπέστειλεν ὡς πεύθετο γὰρ Κύπρον δέ ἀντι τοῦ εἰς Κύπρον ἠκούετο, δια τὸ διαγγέλλεσθαι ἐκ τόπου εἰς τόπον: Σκάνδεια δὲ πόλις μάτειον Κυθήρων , ἀγνοήσαντες δὲ τινὲς τὸ ὄνομα ἐνόμισαν εἶδος περικεφαλαίας τὴν σκάνδειαν ὡ στεφάνην. Κύθηρα δὲ νῆσος τῆς Λακωνικῆς ἐν ῇ λαμπρῶς τιμᾶται Ἀφροδίτ δι ὃ καὶ Κυθέρεια ἐπιθετικῶς ἡ θεός ⁑

Comments on 10.268

msA 10.2511: κατ αυτόθι: φασὶ παρέλκειν τὴν κατὰ . κατ αυτόθι δι’ ὃ φυλάσσειν τὸν αυτὸν τόνον, κὰν μὴ παρέλκη δὲ συντάσσηται δὲ τῷ λιπέτην , οὐ δύναται ἀναστρέφεσθαι κατα δύο τρόπους: καὶ ἐπεὶ συνήλειπται καὶ ἐπεὶ μεταξὺ πέπτωκεν ὁ δέ σύνδεσμος ⁑

Comments on 10.273

msA 10.2513: τοὶ δ’ οὐκ ἴδον ὀφθαλμοῖσιν: ὅτι καὶ αὐτοὶ ὑπὸπολεμίων ἔμελλον οὐχ ὁραθέντες τὰ βουλεύματα αυτῶν παρα Δόλωνος ἀκούειν: ἄλλως δὲ, ὅτι οὐκ αἴσιος ὁ ερωδιὸς ὁερώμενος ὑπὸ τῶν εἰς ἐνεδραν ἀπιόντων ⁑

Comments on 10.275