Venetus A (Marciana 454 = 822), folio 15, verso

previous	next
msA 15r	msA 16r

Iliad text (25 lines)

Iliad 1.176: ἔχθιστος δέ μοι ἐσσὶ διοτρεφέων βασιλήων:

Commented on by msAint 1.568, msA 1.550, msAil 1.573

Iliad 1.177: αἰεὶ γάρ τοι ἔρις τε φίλη πόλεμοί τε μάχαι τε:

Commented on by msAim 1.565

Iliad 1.178: εἰ μάλα καρτερός ἐσσι: θεός πού σοὶ τό γ’ ἔδωκεν:

Commented on by msAil 1.574

Iliad 1.179: οἴκαδ’ ἰὼν σὺν νηυσί τε σῇς καὶ σοῖς ἑτάροισι

Iliad 1.180: Μυρμιδόνεσσιν ἄνασσε: σέθεν δ’ ἐγὼ οὐκ ἀλεγίζω

Commented on by msA 1.552

Iliad 1.181: οὐδ’ ὄθομαι κοτέοντος: ἀπειλήσω δέ τοι ὧδε:

Iliad 1.182: ὡς ἒμ`’ ἀφαιρεῖται Χρυσηΐδα Φοῖβος Ἀπόλλων .

Commented on by msAil 1.575

Iliad 1.183: τὴν μὲν ἐγὼ σὺν νηΐ τ’ ἐμῇ. καὶ ἐμοῖς ἑτάροισι

Iliad 1.184: πέμψω. ἐγὼ δέ κ’ ἄγω Βρισηΐδα καλλιπάρηον

Commented on by msAext 1.564, msAim 1.566

Iliad 1.185: αὐτὸς ἰὼν κλισίην δὲ τὸ σὸν γέρας: ὄφρ’ ἐῦ εἰδῇς

Commented on by msAint 1.569

Iliad 1.186: ὅσσον φέρτερός εἰμι σέθεν: στυγέῃ δὲ καὶ ἄλλος

Commented on by msAil 1.576

Iliad 1.187: ἶ̈σον ἐμοὶ φσθαι, καὶ ὁμοιωθήμεναι ἄντην:

Commented on by msAil 1.577, msAil 1.578

Iliad 1.188: Ὣς φάτο: Πηλείωνι δ’ ἄχος γένετ’: ἐν δέ οἱ ἦτορ

Iliad 1.189: στήθεσσιν λασίοισι διάνδιχα μερμήριξεν:

Commented on by msA 1.555, msA 1.556, msA 1.557, msAil 1.579

Iliad 1.190: ἢ ὅ γε φάσγανον ὀξὺ ἐρυσσάμενος παρὰ μηροῦ

Commented on by msAil 1.580

Iliad 1.191: τοὺς μὲν ἀναστήσειεν: ὁ δ’ Ἀτρείδην ἐναρίζοι.

Commented on by msAil 1.581

Iliad 1.192: ἦε, χόλον παύσειεν: ἐρητύσειέ τε θυμόν:

Commented on by msAint 1.570, msAil 1.582

Iliad 1.193: ἕως ὃ: ταῦθ’ ὥρμαινε κατὰ φρένα καὶ κατὰ θυμόν.

Commented on by msAil 1.583, msAil 1.584

Iliad 1.194: ἕλκετο δ’ ἐκ κολεοῖο μέγα ξίφος: ἦλθε δ’ Ἀθήνη

Commented on by msAint 1.571

Iliad 1.195: οὐρανόθεν: πρὸ γὰρ ἧκε θεὰ λευκώλενος Ἥρη :

Commented on by msAil 1.585

Iliad 1.196: ἄμφω ὁμῶς θυμῷ φιλέουσά τε κηδομένη τε:

Iliad 1.197: στῆ δ’ ὄπιθεν: ξανθῆς δὲ κόμης ἕλε Πηλείωνα

Commented on by msA 1.561

Iliad 1.198: οἴῳ φαινομένη: τῶν δ’ ἄλλων οὔ τις ὁρᾶτο:

Commented on by msAint 1.572, msAil 1.586

Iliad 1.199: θάμβησεν δ’ Ἀχιλεύς : μετὰ δ`’ ετράπετ’, αὐτίκα δ’ ἔγνω

Commented on by msAil 1.587

Iliad 1.200: Παλλάδ’ Ἀθηναίην : δεινὼ δέ οἱ ὄσσε φάανθεν:

Commented on by msA 1.562, msA 1.563

Other texts (34 passages)

Scholia group: msA

msA 1.551: εἰ μάλα καρτερὸς ἔσσι ἐπι τὸ ἐσσὶ ὑποστικτέον ἵνα στίζωμεν κατα τὸ τέλος τοῦ στίχου τὰ δὲ εξῆς ἀπο ἄλλης ἀρχῆς προσφερώμεθα οἶκαδ’ ἰὼν ἠ ὑποστικτέον καὶ ἐπι τὸ ἔδωκεν ἀνυποκρίτως ὡς δια μέσου τὸ ἡμιστίχϊον ἀναφωνεῖσθαι καὶ τὸ εξῆς εἶναι εἰ μάλα καρτερός ἔσσι οἶκαδ’ ἰών ⁑

Comments on 1.178-1.180

msA 1.552: Μυρμιδόνεσσιν ἄνασσε Αἴγιναν τὴν Ἀσωποῦ τοῦ ποταμοῦ Θηβῶν θυγατέρα ἁρπάσας Ζεῦς κατῆλθεν εἰς Φλιοῦντα καὶ φθειρας τὴν προεἰρημένην ἔγκυον ἐποίησεν: ἥτις Αἰακὸν ἐγέννησεν: Ἀσωπὸς δὲ τὴν θυγατέρα ζητῶν ἔμαθεν παρα Σισύφου καὶ τὸν ἀρπάσαντα καὶ τὸν τόπον εἰς ὃν κατεληλύθει μὴ μελλήσας οὖν ἔσπευσε: μέλλων δὲ ὁ Ζεὺς ἐπ αὐτοφόρῳ καταλαμβάνεσθαι: τὴν μεν Αἴγιναν μετεμόρφωσεν εἰς ὁμώνυμον νῆσον: αὐτὸς δὲ μετεβλήθη εἰς λιθον ἐλθὼν δὲ ὁ Ασωπὸς καὶ μηδ ὅντινα καταλαβὼν ἔμπαλιν εἰς τὰς ἰδιας ὑπέστρεψε πηγας: βουλόμενος δὲ ὁ Ζεὺς τιμωρήσασθαι τὸν μηνύσαντα ἠνάγηασεν αὐτὸν ἐν τοῖς ὑποχθονίοις τοσούτο μέγεθος πέτρου ἀνωθεῖν ἐς ὅσον αὐτὸς μετεβλήθη: Αἰακοῦ δὲ ἐν τῇ νήσῳ μόνου ὄντος ὄντος ὁ Ζεὺς κατοικτειρας τοὺς αὐτόθι μύρμηκας μετέβαλεν εἰς ἀνους,ἀνθρώπους ἀφ ἧς αιτιας Μυρμιδόνες ἐκλήθησαν⁑

Comments on 1.180

msA 1.553: ἀπειλήσω δέ τοι ὧδε στικτεον ἐπι τῶ ῶδε καὶ ὑποστικτέον ἐπὶ τὸ Ἀπόλλων ἵνα ἀπ αλλης ἀρχῆς ᾖ τὸ ὡς εμ’ αφαιρεῖται ⁑

Comments on 1.181-1.182

msA 1.555: στήθεσσιν λασίοισι ὅτι δύο ἐμερίμνησεν οὐκ εναντία ἀλλήλοις ὅπερ ἐκλαβών τίς προσεθηκεν ἦε χόλον παύσειεν : βραχὺ δὲ διασταλτέον ἐπι τὸ μερμήριξεν ὁ γὰρ λόγος διχῶς ελογισατο τοὺς μὲν ἀναστῆσαι: τὸν δε Αγαμέμνονα ανελεῖν⁑

Comments on 1.189

msA 1.556: στήθεσσιν λασίοισι νῦν περι τοῦ θυμοειδοῦς τῆς ψυχῆς φησὶν ἀφ οῦ λέγει στήθεσσιν: ὑπο γὰρ τὰ στέρνα κεῖται ἡ καρδία εν ῆ ἐστι τὸ πυρδες καὶ θερμὸν καὶ μανικὸν τῆς ψυχῆς: σημαίνει δε καὶ τοῖς θερμοῖς, ἡ θέρμη γὰρ αἰτία τῆς εκφυσεως τῶν τριχῶν⁑

Comments on 1.189

msA 1.557: μερμήριξε μερίζω μερμερίζω καὶ ἐκτάσει μερμηρίζω ὡς δάπτω δαρδάπτω ⁑

Comments on 1.189

msA 1.558: ἡ ὅγε φάσγανον: ηὲ χόλον τὸν μὲν πρότερον σύνδεσμον βαρυτονητεον, τὸν δε δευτερον περισπαστεον διαπορητικὴ γάρ εστιν ἡ σύνταξις⁑

Comments on 1.190-1.192

msA 1.559: ἕως ὃ ταῦθ’ ώρμαινε κατα φρένα καὶ κατα θυμον⁑ ενταῦθα μὲν ὑποστικτέον ἐπι δὲ τὸ ξίφος ἤτοι ὑποστικτέον ἠ στικτέον: ἐὰν μὲν οὖν ὑποστίζωμεν ὁ ἐπιφερόμενος σύνδεσμος περισσὸς ἔσται, ἦλθε δ’ Ἀθήνη : ἐὰν δὲ στήζωμεν, οὗτος μὲν καλῶς στίζεται ὁ δὲ πρότερος πλεονα ἐν τῶ ἔκετο δ’ ἐκ κολεοῖο , βελτιον δὲ ὑποστίζειν ἀμφότερα ἐν ὅσω γὰρ λογιζεταί τε καὶ σπᾶται, ἦλθεν ἡ Ἀθηνὰ :

Comments on 1.193-1.194

msA 1.560: ἦλθ δ’ Αθήνη οὐρανώθεν ἐκ τοῦ ουρανου παρεγένετο φησὶν ἡ Ἀθηνα ὁ ἐστιν ἡ φρόνησις δεῖ γὰρ οὕτως αὐτὴν καταβαίνειν οῖα καὶ τῆς κόμης αὐτὴν κρατεῖν καὶ οὐκ άλλου μέρους τοῦ σώματος ἀλλ’ ἔνθα ἵδρυται τὸ λογικὸν τῆς ψυχῆς μέρος, εὐλόγως δὲ καὶ οἱ μυθογράφοι φασὶν ὅτι ἔγκυος οὖσα ἡ Μῆτις τὴν Ἀθηνᾶν : κατεπόθη ὑπὸ Διὸς καὶ ἀπο τῆς κεφαλῆς αὐτοῦ τῷ ωρισμένῳ τῆς ἀποκυήσεως χρόνῳ ἐξέθορεν ἡ θεὸς συν όπλοις ἡ ϊστορία παρα Ἀπολλοδώρῳ ἐν πρώτῳ⁑

Comments on 1.194-1.195

msA 1.561: στῆ δ’ ὄπιθεν ὅτι ούτως λέγει τὸν Πηλείωνα τῆς κόμης εἷλεν οὐχὶ τοῦ Πηλείωνος τὴν κόμην αγνοήσαντες δέ τινες γράφουσι ξανθῆς δὲ κόμης ἔλε Πηλείωνος , δια τούτου δὲ αἰνίττεται τὸ θερμὸν καὶ ὀργίλον τοῦ ἥρωος οἱ γὰρ ξανθόχολοι τοιοῦτοι⁑

Comments on 1.197

msA 1.562: Παλλάδ ‘ Αθηναιην ⁑ Παλλάδα τὴν Ἀθηνᾶν ἐπιθετικῶς ἤτοι ἀπο τοῦ πάλλειν καὶ κραδαίνειν τὸ δόρυ πολεμικῆ γὰρ ἡ θεός ἠ ὅτι Πάλλαντα ἕνα τῶν γιγάντων ἀπέκτεινεν ἢ ἀπο τοῦ ἀναπαλθῆναι αὐτὴν ἀπο τῆς κεφαλῆς τοῦ Διός , ἠ δια τὸ παλλομένην τὴν καρδίαν τοῦ Διονύσου προσκομίσαι τῷ Διΐ ⁑

Comments on 1.200

msA 1.563: δεινὼ δέ οἱ ὄσσε φάανθεν δια τῆς ἐκπλήξεως Ἀχιλλέως τὴν Ἀθηνᾶν γλαυκῶπιν παρέστησεν: τινὲς δὲ φάανθεν ἀντι τοῦ εφωτίσθησαν οἱ τοῦ ἥρωος ὀφθαλμοί⁑

Comments on 1.200