Venetus A (Marciana 454 = 822), folio 207, recto

previous	next
msA 206v	msA 207v

Iliad text (25 lines)

Iliad 16.51: οὔτέ τί μοι πὰρ Ζηνὸς ἐπέφραδὲ πότνια μηρ .

Iliad 16.52: ἀλλὰ τόδ’ αἰνὸν ἄχος κραδίην καὶ θυμὸν ἱκάνει.

Iliad 16.53: ὁππότε δὴ τὸν ὁμοῖον ἀνὴρ ἐθέλῃσιν ἀμέρσαι.

Iliad 16.54: καὶ γέρας ὰψ, ἀφελέσθαι, ὅ τε κράτεϊ προβεβήκῃ:

Iliad 16.55: αἰνὸν ἄχος τό μοι ἐστιν ἐπεὶ πάθον ἄλγεα θυμῷ:

Iliad 16.56: κούρην: ἣν ἄρα μοι γέρας ἔξελον υἷες Ἀχαιῶν :

Iliad 16.57: δουρὶ δ’ ἐμῷ κτεάτισσα, πόλιν εὐτείχεα πέρσας.

Commented on by msA 16.C3, msA 16.C4, msA 16.C5

Iliad 16.58: τὴν ὰψ, ἐκ χειρῶν ἕλετο κρείων Ἀγαμέμνων

Iliad 16.59: Ἀτρείδης , ὡς εἴ τιν’ ἀτίμητον μετανάστην:

Iliad 16.60: ἀλλὰ τὰ μὲν προτετύχθαι ἐάσομεν. οὐδ’ άρα πως ἦν

Commented on by msAint 16.C1

Iliad 16.61: ἀσπερχὲς κεχολῶσθαι ἐνι φρεσίν: ἤτοι ἔφην γε

Commented on by msAint 16.C2, msAint 16.C3

Iliad 16.62: οὐ πρὶν μηνιθμὸν καταπαυσέμεν: ἀλλ’ ὁπότ ἀν δὴ

Iliad 16.63: νῆας ἐμὰς ἀφίκηται ἀϋτή τε πτόλεμός τε:

Iliad 16.64: τύνη δ’ ὤμοιϊν μὲν ἐμὰ κλυτὰ τεύχεα δῦθι:

Iliad 16.65: ἄρχε δὲ Μυρμιδόνεσσι φιλοπτολέμοισι μάχεσθαι.

Iliad 16.66: εἰ δὴ κυάνεον Τρώων νέφος ἀμφιβέβηκε

Iliad 16.67: νηυσὶν ἐπικρατέως, οἱ δὲ ῥηγμῖνι θαλάσσης

Iliad 16.68: κεκλίαται: χώρης ὀλίγην ἔτι μοῖραν ἔχοντες

Commented on by msAint 16.C4

Iliad 16.69: Ἀργεῖοι . Τρώων δὲ πόλις ἐπὶ πᾶσα βέβηκε

Commented on by msA 16.C8

Iliad 16.70: θάρσυνος. οὐ γὰρ ἐμῆς κόρυθος λεύσουσι μέτωπον

Iliad 16.71: ἐγγύθι λαμπομένης: τάχα κεν φεύγοντες ἐναύλους

Iliad 16.72: πλήσειαν νεκύων: εἴ μοι κρείων Ἀγαμέμνων

Iliad 16.73: ήπια εἰδείη: νῦν δὲ στρατὸν ἀμφιμάχονται:

Iliad 16.74: οὐ γὰρ Τυδείεω Διομήδεος ἐν παλάμῃσι

Commented on by msAint 16.C5

Iliad 16.75: μαίνεται ἐγχείη. Δαναῶν ἀπὸ λοιγὸν ἀμῦναι:

Other texts (17 passages)

Scholia group: msA

msA 16.C1: ‡ ὁππότε δὴ τῶν ὁμοῖων : τὸ δίστιχον τοῦτο ἢ τοῖς ἄνω προσδοτέον ἵνα τὸ προβεβήκει στίζωμεν, ἠ τοῖς ἐξῆς. ἵνα τὸ μὲν ἱ+κάνει στίζωμεν τὸ δε προβεβήκει ὑποστίζωμεν ⁑

Comments on 16.53-16.54

msA 16.C2: κούρην ἣν ἄρα μοι γέρας, ταῦτα ἀπ’ άλλης ἀρχῆς παραδιηγεῖται γὰρ τὰ γεγονότ , ὑποστικτέον δὲ ἐπι τὸ Ἀχαιῶν καὶ πέρσας ⁑

Comments on 16.56-16.57

msA 16.C3: δουρὶ δ’ εμῶ κτεάτισσα: ἡ διπλῆ ὅτι ἰδίως καὶ παρα τὴν ἡμετέραν συνήθειαν κτεάτισσα κατα τὸ ἐνεργητικὸν ἀντι τοῦ ἐκτησάμην , καὶ ἐν πολλὰ κτεατίσσας , ἀντι τοῦ κτησάμενος ⁑

Comments on 16.57

msA 16.C4: ἡ τετριμμέ ἀνάγνωσις προπαροξύνει τὸ εὐτείχεα τοῦ λόγου ἀξιοῦντος παροξύνειν εἴ γε τὸ εὐτειχής ὀφείλει ὀξύνεσθαι: τὰ γὰρ παρ ουδέτερα δισύλλαβα εἰς ος λήγοντα μὴ τῷ η παραληγόμενα, συντιθέμενα εἰς ης λήγοντα ἀρσενι ὀνόματα ὀξύνεται ἐπιθετικὰ ὄντα, εἶδος εὐεοδής βάθος ἀγχιβαθὴς δὲ θάλασσα , τὸ η παρῃτησάμην δια τὸ μὴ εὐμήκης, τὴν δισυλλαβίαν, δια τὸ εὐμεγέθης , τῶν παρα τὸ ἔτος ὑπεξαιρουμένων ὅτριχας γὰρ οἱ ἐτέας ἀνέγνωμεν μόνως οὖν εὐτειχής καὶ εὐτειχέα . δευτέρω λόγω ὅσοις κυρίοις εἰς ης λήγουσι βαρυτόνοις συνθέτοις παράκειται ἐπιθετικα ὀξυνόμενα, Διογένης αὐτὰρ ὁ διογενής , Πολυνίκης ἀλλα πολυνικὴς δι Ελενα Παγκράτης ἄ δε παγκράτης ἀλήθεια , Εὐρυσθένης : ὁ πλοῦτος εὐρυσθενής . εἰ δεῖ ἐστιν Εὐτείχης ὄνομα κν , παρὰ Ἀλκμᾶνι , ὀξύνεται τὸ ἐπιθετικόν: πόθεν οὖν ἡ τετριμμένη βαρεῖα τάσις δώσωμεν ἀφορμήν:

Comments on 16.57

msA 16.C5: τὰ εἰς ος λήγοντα οὐδετέρα συντιθέμενα ἀπ ευθείας συντίθεται: ξίφος ἄξιφος μόνον τὸ τεῖχος , καὶ ἀπο γενικῆς τείχεος εὐτείχεος , ἀφ οὗ τὸ δώσει π Τροΐην εὐτείχεον ἐξαλαπάξαι , μεταπλασμὸς εὐτείχεα , ὡς πυργοκέρατον πυργοκέρατα πάθος παρέλαβενος ἵνα βοηθήσω τῇ τετριμμένη τάσει⁑

Comments on 16.57

msA 16.C6: ἄρχε δὲ Μυρμιδόνεσσι, ἀναγκαῖαι αἱ διαστολαί μάχεσθαι ἐπικρατέως Ἀργεῖοι , στικτέον δὲ ἐπι τὸ θάρσυνος ⁑

Comments on 16.65-16.70

msA 16.C7: εἰ δὴ κυάνεον: Τρώων νέφος ἀμφιβέβηκε: εἰ δὴ τὸ τῶν Τρώων πλῆθος ὡς νέφος κατέχει τὸν ναυσταθμον: νέφος γὰρ νῦν τὸ τῶν στρατιωτικῶν πλῆθος ⁑

Comments on 16.66-16.67