Venetus A (Marciana 454 = 822), folio 217, recto

previous	next
msA 216v	msA 217v

Iliad text (25 lines)

Iliad 16.552: βὰν δ’ ϊθὺς Δαναῶν λελιημένοι: ἦρχε δ’ ἄρά σφιν

Iliad 16.553: Ἕκτωρ χωόμενος Σαρπηδόνος . αὐτὰρ Ἀχαιοὺς

Commented on by msAint 16.217r1

Iliad 16.554: ὦρσε Μενοιτιάδεω Πατροκλῆος λάσιον κῆρ:

Iliad 16.555: Αἴαντε πρώτω προσέφη, μεμαῶτε καὶ αὐτώ:

Iliad 16.556: Αἴαντε : νῦν σφῶϊν ἀμύνεσθαι φίλον ἔστω,

Commented on by msAim 16.217r1

Iliad 16.557: οἷοί περ πάρος ἦτε μετ’ ἀνδράσιν. ἢ καὶ ἀρείους.

Commented on by msA 16.217r1

Iliad 16.558: κεῖται ἀνὴρ. ὃς πρῶτος ἐσήλατο τεῖχος Ἀχαιῶν .

Commented on by msA 16.217r2

Iliad 16.559: Σαρπηδὼν : ἀλλ’ εἴ μιν ἀεικισσαίμεθ’ ἑλόντες,

Commented on by msAint 16.217r2, msA 16.217r3, msAim 16.217r2

Iliad 16.560: τεύχεά τ’ ὤμοιϊν ἀφελοίμεθα. καί τιν’ ἑταίρων

Iliad 16.561: αὐτοῦ ἀμυνομένων δαμασαίμεθα νηλέϊ χαλκῷ.

Commented on by msA 16.217r4

Iliad 16.562: Ὡς ἔφαθ’. οἱ δὲ καὶ αὐτοὶ ἀλέξασθαι μενέαινον:

Iliad 16.563: οἱ δ’ ἐπεὶ ἀμφοτέρωθεν ἐκαρτύναντο φάλαγγας

Iliad 16.564: Τρῶες . καὶ Λύκιοι . καὶ Μυρμιδόνες. καὶ Ἀχαιοί .

Iliad 16.565: σύμβαλον ἀμφὶ νέκυϊ κατατεθνειῶτι μάχεσθαι

Iliad 16.566: δεινὸν ἀΰσαντες: μέγα δ’ ἔβραχε τεύχεα φωτῶν:

Iliad 16.567: Ζεὺς δ’ ἐπὶ νύκτ’ ὀλοὴν τάνυσεν κρατερῇ ὑσμίνῃ.

Iliad 16.568: ὄφρα φίλῳ περὶ παιδὶ μάχης ὀλοὸς πόνος εἴῃ.

Iliad 16.569: Ὦσαν δὲ πρότεροι Τρῶες ἑλίκωπας Ἀχαιούς .

Iliad 16.570: βλῆτο γὰρ οὔ τι κάκιστος ἀνὴρ μετα Μυρμιδόνεσσιν.

Iliad 16.571: υἱὸς Ἀγακλῆος μεγαθύμου. δῖος Ἐπηγεὺς :

Iliad 16.572: ὅς ῥ’ ἐν Βουδείῳ εὖ. ναιομένῳ ἤνασσε

Iliad 16.573: τὸ πρίν. ἀτὰρ τότε γ’ ἐσθλὸν ἀνεψιὸν ἐξεναρίξας.

Iliad 16.574: ἐς Πηλῆ’ ϊκέτευσε καὶ ἐς Θέτιν ἀργυρόπεζαν:

Commented on by msA 16.217r5

Iliad 16.575: οἱ δ’ ἅμ’ Ἀχιλλῆϊ ῥηξήνορι πέμπον ἕπεσθαι

Iliad 16.576: Ἴλιον εἰς εὔπωλον. ἵνα Τρώεσσι μάχοιτο.

Other texts (12 passages)

Scholia group: msAint

msAint 16.217r1: οτι ἐλλείπει ἡ περι καὶ οτι τὸ χωόμενος ἀντι τοῦ συγχεόμενος ⁑

Comments on 16.553

msAint 16.217r2: ἐν τῇ Ριανοῦ ἀλλὰ μιν αεὶκισσάμεθ’ ἑλόντες ⁑

Comments on 16.559

Scholia group: msA

msA 16.217r1: οἷοί περ πάρος ῆτε μετ’ ἀνδράσι. δύναται μὲν στίζεσθαι ἐπι τὸ ἀνδράσι . δύναται δὲ εἰπεῖν τὸ ἐστὲ ἢ γίνεσθαι . δύναται δὲ καὶ ἄ σχημα εἶναι ἀπο δοτικῆς εἰς αιτιατικὴν ὡς κακεῖ αἰει τοι φίλον ἐστὶν ἐμεῦ ἀπο νόσφιν εόντα κρυπταδια φρονέοντα . παρατηρητέον δὲ τὸν στίχον προς τὸ ἐπάνω ὑποκείμενον Γλαῦκε πέπον πολέσι μετ ανδράσι ⁑

Comments on 16.557

msA 16.217r2: ὁς πρῶτος ἐσἥλατο Ἀρισταρχος καὶ οἱ ἀπ’ αὐτοῦ δασύνουσι Λυσανίας δε ψιλοῖ προσνέμων τὸ ε τῶι η σαλάσθαι γάρ φησι σημ τὸ ἀποσπᾶν καὶ σαλεύειν. ὁ δὲ σαλεύσας πρῶτος τὸ τεῖχος Σαρπηδῶν ἐστιν: ὁ δε εἰσπηδήσας Ἕκτωρ . φησὶ γοῦν Σαρπηδὼν δ’ἔπαλξιν ἑλῶν χερσὶ στιβαρῆισιν ἕλχ’ ἠ δ’ἕσπετο πᾶσα ἐπι δε τοῦ Ἑκτορος ῥῆξε δ’ ἀμφοτέρους θαιρὸυς . εἶτα ἐπιφέρει ὁ δ’ ἐσέθορε φαίδιμος Ἕκτωρ . ἄμεινον δὲ πείθεσθαι Ἀρισταρχῳ δασύνοντι ἐκδέχεσθαι καὶ ἥμας οὗτος τὸ ἐσήλατο ὅτι πρῶτος ἐφήλατο καὶ ἐπεπεπήδησε τῷ τείχει. ὅρα γοῦν ὡς οὐκ εῖπε πρῶτος διῆλθεν. ὁ μὲν γὰρ Ἕκτωρ πρῶτος διῆλθεν: ὁ δὲ Σαρπηδὼν πρῶτος ώρμησεν ἐπὶ τὸ τεῖχος. ὥς ρα τότ’ ἀντίθεον Σαρπηδόνα θυμὸς ἀνῆκε τεῖχος ἐπαϊξαι . ὥστε τὸ ἤλατο, ταυτὸν εἶναι τῷ οἱρμῆσαι ⁑

Comments on 16.558

msA 16.217r3: Σαρπηδών ἀλλ’ εἴ μιν ὅτι ἔξωθεν προσὑπακούστέον τὸ καλῶς ἄν ἔχοι εἰ αὐτὸν ἀνελόντες ἀεικισαίμεθα καλῶς ἄν ἔχοι. καὶ ἐν Ὀδύσσειᾳ ἀτὰρ πελέκεα αἰεὶ κείωνμεν ἅπαντας ⁑

Comments on 16.559