Venetus A (Marciana 454 = 822), folio 230, verso
previous | next |
---|---|
msA 230r | msA 231r |
Iliad text (25 lines)
Iliad 17.352: τὸν δὲ πεσόντ’ ἐλέησεν ἀρήιος Ἀστεροπαῖος
Iliad 17.353: ἴθυσεν δὲ καὶ ὃ πρόφρων Δαναοῖσι μάχεσθαι:
Iliad 17.354: ἀλλ’ οὔ πως ἔτι εἶχε: σάκεσσι γὰρ ἔρχατο πάντῃ
Iliad 17.355: ἔσταότες περὶ Πατρόκλῳ : πρὸ δὲ δούρατ’ ἔχοντο:
Iliad 17.356: Αἴας γὰρ μάλα πάντας ἐπ ᾤχετο πολλὰ κελεύων
Iliad 17.357: οὔτέ τιν’ ἐξοπίσω νεκροῦ χάζεσθαι ἀνώγει:
Iliad 17.358: οὔτέ τινα προμάχεσθαι Ἀχαιῶν ἔξοχον ἄλλων:
Iliad 17.359: ἀλλὰ μάλ’ ἀμφ’ αὐτῷ βεβάμεν: σχεδόθεν δὲ μάχεσθ :
Iliad 17.360: ὣς Αἴας ἐπέτελλε πελώριος: αἵματι δὲ χθὼν
Iliad 17.361: δεύετο πορφυρέῳ: τοὶδ’ ἀγχὶστῖνοι ἔπιπτον
Iliad 17.362: νεκροὶ ὁμοῦ Τρώων καὶ ὑπερμενέων ἐπικούρ
Iliad 17.363: καὶ Δαναῶν : οὐδ’ οἳ γὰρ ἀναιμωτί γε ἐμάχοντο:
Iliad 17.364: παυρότεροι δὲ πολυ φθίνυθον: μέμνηντο γὰρ αἰεὶ
Iliad 17.365: ἀλλήλοις καθ’ ὅμιλον ἀλεξέμεναι φόνον αἰπὺν:
Iliad 17.366: ὣς οἱ μὲν μάρναντο δέμας πυρὸς οὐδέ κε φαίης
Iliad 17.367: οὔτέ ποτ’ ἠέλιον σόον ἔμμεναι οὔδε σελήνην:
Iliad 17.368: ἠέρι γὰρ κατέχοντο μάχης ἐπί θ’ ὅσσον ἄριστοι
Iliad 17.369: ἕστασαν ἀμφὶ Μενοιτιαδῃ κατατεθνηῶτι:
Iliad 17.370: οἱ δ’ ἄλλοι Τρῶες καὶ ἐυκνήμιδες Ἀχαιοί
Iliad 17.371: εὔκηλοι πολέμιζον ὑπ’ αἰθέρι: πέπτατο δ’ αὐγή
Iliad 17.372: ἠελίου ὀξεῖα: νέφος δ’ οὐ φαίνετο πάσης
Iliad 17.373: γαίης: οὐδ’ ὀρέων: μεταπαυόμενοι δ’ ἐμάχοντο
Iliad 17.374: ἀλλήλων ἀλεείνοντες βέλεα στονόεντα:
Iliad 17.375: πολλὸν ἀφεσταότες: τοίδ’ ἐν μέσω ἄλγε’ ἔπασχον 375
Iliad 17.376: ἠέρι καὶ πολέμῳ: τείροντο δὲ νηλέϊ χαλκῷ
previous | next |
---|---|
msA 230r | msA 231r |