Venetus A (Marciana 454 = 822), folio 231, verso
previous | next |
---|---|
msA 231r | msA 232r |
Iliad text (25 lines)
Iliad 17.402: ᾔδεε Πάτροκλον τεθνηῶτα δῖος Ἀχιλλεύς
Iliad 17.403: πολλὸν γὰρ ἀππάνευθε νεῶν μάρναντο θοάων:
Iliad 17.404: τείχει ὑπὸ Τρώων: ὅ: μιν οὔ ποτε ἔλπετο θυμῷ
Iliad 17.405: τεθνάμεν: ἀλλὰ ζωὸν ἐνιχριμφθέντα πύλῃσιν
Iliad 17.406: ἂψ ἀπονοστήσειν: ἐπεὶ οὐδὲ τὸ ἔλπετο πάμπαν
Iliad 17.407: ἐκπέρσειν πτολίεθρον ἄνευ ἕθεν: οὐδὲ σὺν αὐτῷ
Iliad 17.408: πολλάκι γὰρ τό δε μητρὸς ἐπεύθετο νόσφιν ἀκούων:
Iliad 17.409: ἥ οἱ ἀπαγγέλλεσκε Διὸς μεγάλοιο νόημα
Iliad 17.410: δὴ τότε οὔ οἱ ἔειπε κακὸν τόσον: ὅσσον ἐτύχθη
Iliad 17.411: μήτηρ, ὅττι ῥά οἱ πολὺ φίλτατος ὤλεθ’ ἑταῖρος:
Iliad 17.412: οἳ δ’ αἰεὶ περὶ νεκρὸν ἀκαχμένα δούρατ’ ἔχοντες
Iliad 17.413: νωλεμὲς ἐγχρίπτοντο καὶ ἀλλήλους ἐνάριζον:
Iliad 17.414: ὧδε δέ τϊς εἴπεσκεν Ἀχαιῶν χαλκοχιτώνων
Iliad 17.415: ὦ φίλοι: οὐκ’ ἂν ἧμιν ἐϋκλεὲς ἀπονέεσθαι
Iliad 17.416: νῆας ἔπι γλαφυρὰς ἀλλ’ αὐτοῦ γαῖα μέλαινα
Iliad 17.417: πᾶσι χάνοι: τό κεν ἧμιν ἄφαρ πολὺ κέρδιον εἴη
Iliad 17.418: εἰ τοῦτον Τρώεσσι μεθήσομεν ἱπποδάμοισιν
Iliad 17.419: ἄστυ ποτὶ σφέτερον ἐρῦσαι καὶ κῦδος ἀρέσθαι:
Iliad 17.420: ὣς δέ τις αὖ Τρώων μεγαθύμων αὐδήσασκεν:
Iliad 17.421: ὦ φίλοι: εἰ καὶ μοῖρα παρ’ ἀνέρι τῷδε δαμῆναι
Iliad 17.422: πάντας ὁμῶς. μή πω τις ἐρωείτω πολέμοιο:
Iliad 17.423: ὣς ἄρα τίς τ’ εἴπεσκε: μένος δ’ ὄρσασκεν ἑκάστου.
Iliad 17.424: ὣς οἱ μὲν μάρναντο: σιδήρειος δ’ ὀρυγμαδός
Iliad 17.425: χάλκεον οὐρανὸν ἷκε δι’ αἰθέρος ἀτρυγέτοιο:
Iliad 17.426: ἵπποι δ’ Αἰακίδαο μάχης ἀπάνευθεν ἐόντες,
previous | next |
---|---|
msA 231r | msA 232r |