Venetus A (Marciana 454 = 822), folio 23, verso

previous	next
msA 23r	msA 24r

Iliad text (25 lines)

Iliad 1.577: μητρὶ δ’ ἐγὼ παράφημι καὶ αὐτῇ περ νοεούσῃ

Commented on by msA 1.1437, msAil 1.1457, msAil 1.1458

Iliad 1.578: πατρὶ φίλῳ ἐπίηρα φέρειν Διῒ , ὄφρα μὴ αὖτε

Commented on by msAil 1.1459, msAim 1.1450

Iliad 1.579: νεικείῃσι πατὴρ, σὺν δ’ ἥμῑν δαῖτα ταράξῃ.

Commented on by msA 1.1438

Iliad 1.580: εἴ περ γάρ κ’ ἐθέλησιν Ὀλύμπιος ἀστεροπητὴς.

Iliad 1.581: ἐξ ἐδέων στυφελίξαι. ὃ γὰρ πολὺ φέρτατός ἐστιν:

Commented on by msAint 1.1455, msAil 1.1460, msAim 1.1451

Iliad 1.582: ἀλλὰ σὺ τόν γ’ ἐπέεσσι καθάπτεσθαι μαλακοῖσιν.

Commented on by msAil 1.1461

Iliad 1.583: αὐτίκ’ ἔπειθ’ ἵ̈λαος Ὀλύμπιος ἔσσεται ἥμιν:

Iliad 1.584: ὡς ἀρ ἔφη: καὶ ἀναΐξας. δέπας ἀμφικύπελλον

Commented on by msA 1.1440, msAil 1.1462, msAim 1.1452

Iliad 1.585: μητρὶ φίλῃ ἐν χερσὶ τίθει: καί μιν προσέειπε:

Commented on by msA 1.1441

Iliad 1.586: τέτλαθι μῆτερ ἐμὴ. καὶ ἀνάσχεο κηδομένη περ:

Commented on by msAim 1.1453

Iliad 1.587: μή σε φίλην περ, ἐοῦσαν ἐν ὀφθαλμοῖσιν ἴ̈δωμαι

Iliad 1.588: θεινομένην: τότε δ’ οὔ τι δυνήσομαι ἀχνύμενός περ

Commented on by msAil 1.1463

Iliad 1.589: χραισμεῖν: ἀργαλέος γὰρ Ὀλύμπιος ἀντιφέρεσθαι:

Commented on by msAil 1.1464

Iliad 1.590: ἤδη γάρ με καὶ ἄλλοτ’ ἀλεξέμεναι μεμαῶτα

Commented on by msA 1.1442, msAil 1.1465

Iliad 1.591: ῥίψε ποδὸς τεταγὼν ἀπὸ βηλοῦ θεσπεσίοιο:

Commented on by msA 1.1443, msA 1.1444, msA 1.1445, msAil 1.1466, msAil 1.1467

Iliad 1.592: παν δ’ ῆμαρ φερόμην: ἅμα δ’ ἠελίῳ καταδύντι

Iliad 1.593: κάππεσον ἐν Λήμνῳ : ὀλίγος δ’ ἐτί θυμὸς ἐνῆεν:

Commented on by msA 1.1446, msAil 1.1468

Iliad 1.594: ἔνθά με Σίντιες ἄνδρες ἄφαρ κομίσαντο πεσόντα.

Commented on by msA 1.1447, msAil 1.1469

Iliad 1.595: ὡς φάτο: μείδησεν δὲ θεὰ λευκώλενος Ἥρη .

Commented on by msAil 1.1470

Iliad 1.596: μειδήσασα δὲ, παιδὸς ἐδέξατο χειρὶ κύπελλον:

Commented on by msAint 1.1456, msAil 1.1471, msAim 1.1454

Iliad 1.597: αὐτὰρ ὃ τοῖς ἄλλοισι θεοῖς ἐνδέξια πᾶσιν

Commented on by msAil 1.1472

Iliad 1.598: ᾠνοχόει γλυκὺ νέκταρ ἀπο κρητῆρος ἀφύσσων:

Commented on by msA 1.1448, msAil 1.1473

Iliad 1.599: ἄσβεστος δ’ ὰρ, ἐνῶρτο γέλως μακάρεσσι θεοῖσιν

Commented on by msAil 1.1474, msAil 1.1475

Iliad 1.600: ὡς ἴ̈δον Ἥφαιστον διὰ δώματα ποιπνύοντα.

Commented on by msA 1.1449, msAil 1.1476

Iliad 1.601: ὡς τότε μὲν πρόπαν ἦμαρ ἐς ἠέλιον καταδύντα.

Other texts (38 passages)

Scholia group: msA

msA 1.1437: ‡παράφημι ὡς σύνθετον ἀνεβίβασε τὸν τόνον τὰ γὰρ ὀξυνόμενα τῶν εἰς μι τοιαῦτα⁑

Comments on 1.577

msA 1.1438: σὺν δ’ ᾕμιν δαῖτα πιθανώτερον ὀξύνειν τὴν πρώτην τοῦ ἡμιν καὶ ἐκτείνειν τὴν τελευταίαν⁑

Comments on 1.579

msA 1.1439: ἀστεροπητης ἀστραπὰς ποιῶν αἱ διορθώσεις τῶν στίχων τούτων διάφοροι: οἱ μὲν εἰς τὸ ἀστεροπητὴς ὑποστίζουσιν καὶ τὸ στυφελίξαι . ὑποτελείαν στίζουσι στιγμήν ἐκδεχόμενοι αὐτὸ εὐκτικὸν εἶναι ῥῆμα: ὁμοίως δὲ καὶ τὸ ἐστιν καὶ τὸ μαλακοῖσιν : τελείαν οἱ δὲ τὸ στυφελίξαι ὑποστίξαντες. καὶ τὸ ἐστι καὶ τὸ μαλακοῖσιν ἐκδεχόμενοι συνεκδοχικῶς ὑπακούεσθαι τῷ στίχω τὸ ἐθέλεις τοῦ ἀλλά παραλαμβανομένου ἀντι τοῦ δε ἵν ᾖ ἡ ἔννοια τοιαύτη: σὺ δὲ τοῦτον ἐθέλεις θεραπεῦσαι καὶ εἰς τὸ ἔσσεται ἡμῖν τελείαν στίζουσιν. ἄλλοι δὲ ὑποστίζοντες εἰς τὸ στυφελίξαι καὶ τὸ ἔστιν εἰς τὸ μαλακοῖσι τϊμ τὴν τελείαν ἵν ᾖ ἐλλεῖπον τῷ λόγῳ τὸ ὀφείλεις⁑

Comments on 1.580-1.583

msA 1.1440: δέπας οἰονεὶ δέχας καὶ πλησαμενος οἱνοῖο δέπας καὶ δεικανόωντο δεπάεσσι : γελοῖος δε ἐστιν Ἥφαιστος ἀναπηδῶν καὶ μιμούμενος Ἥβην καὶ Γανυμήδεα καὶ μεμνημένος τῆς ρίψεως⁑

Comments on 1.584

msA 1.1441: ἐν χερσὶ τίθει οὕτως αἱ Αρισταρχου ἐν χειρί οὐ πληθυντικῶς ἐν χερσίν : ὁμοίως δὲ καὶ ἡ Μασσαλιωτικὴ καὶ ἡ Σωσιγένους . καὶ ἡ Ἀριστοφάνους . συνᾴδει δὲ καὶ τὸ ἐπιφερόμενον: μειδήσασα δὲ παιδὸς ἐδέξατο χειρὶ κύπελλον ⁑

Comments on 1.585

msA 1.1442: ἤδῃ γάρ με καὶ ἄλλοτ’ ἀλεξέμεναι μεμαῶτα⁑ Ἡρακλῆς ἀνακομιζόμενος εξ Ιλίου μετὰ τὴν γενομένην ὑπ αυτοῦ πόρθησιν τῆς Ἰ¨λίου ἐπι τῆ Λαομέδοντος ἀπάτη, παρ ὅσον αὐτῷ ἀντι τῶν ἀθανάτων ἵππων οὓς ὑπέσχετο ἀντέδωκεν θνητοὺς ἀπατήσας κατ εκεῖνο καιροῦ προσέσχεν τῇ Κῷ τῆς Μεροπίδος : χειμῶν κατεχόμενος κατα χόλον Ἥρας , μισόυσης τὸν ἥρωα καὶ δια τοῦτο πρότερον κατακοιμισάσα τὸν Δία οἱ δὲ ἀπο τῆς Κω θεασαμενοι αυτὸν καὶ ὡς ἄγριον Φοβηθέντες ἐξήλασαν ἀπο τῆς πο ἐφ ᾧ ἀγανακτησας Ἡρακλῆς εξεπόρθησε τὴν Κω : ἐπι δὲ τῇ τῆς Ἥρας κατακοιμήσει ὁ Ζεὺς ὁργισθεὶς ἐν δεσμοῖς κατέσχεν τὴν Ἥραν ἣν ἐπειρᾶτο τηνικαυτα ὁ Ἥφαιστος λύειν καὶ φωραθεὶς ἀπο τοῦ Ὀλύμπου ἐξερρίφη καὶ εἰς Λῆμνον πρὸς τὴν τῆς Θρακης νῆσον καταπεσὼν χωλὸς ἐγένετο ὥς φησιν ὁ ποιητὴς δι ὃ καὶ ιερὰ τοῦ θυ ἡ Λῆμνος ⁑

Comments on 1.590

msA 1.1443: ῥίψε ποδὸς ὅτι ἀπο δυεῖν τόπων συμπεπλήρωκε τὸν μῦθον: νῦν μὲν γάρ ὅτι ἐρρίφη κατα δὲ τὴν ὑπόμνησιν τῶν τῆς Ήρας δεσμῶν καὶ τὸν καιρὸν καὶ τὴν αἰτίαν δι ἢν ἐρρίφη⁑

Comments on 1.591

msA 1.1444: δύο ῥίψεις Ἡφαίστου : προτέρα μὲν ἡ ὑπο τὴν γένεσιν τῆς Ἥρας : δευτέρα δὲ ἡ ὑπο Διὸς δια τοὺς τῆς Ήρας δεσμούς:

Comments on 1.591

msA 1.1445: απο βηλοῦ: ἀπo τοῦ βεβηκέναι τοὺς θεοὺς ἐπ αυτὸ καὶ τοὺς ἀστέρας κεῖθι βαίνειν. οὔτως είρηται: τῷ δὲ τόνῳ καθάπερ οἱ Ἀριστάρχειοι βηλόν ὡς χωλὸν προφερόμενοι ἀποδιδόντες τὸν τῶν θεῶν βαθμόν: ἕταιοι δὲ βηλὸν εἶπον τὸν ἀνωτάτω πάγον καὶ περιέχοντα τὸν πάντα ἀέρα: ἄλλοι δὲ τὴν περίοδον τοῦ αἰθέρος καὶ τῶν ἄστρων: κοινῶς δὲ σημαίνει ὁ βηλὸς τὸν οὐδὸν τῆς θύρας ὃ καλεῖται φλιαὶ: ὁ γὰρ ποιητὴς ὑποτίθεται τὸν οὐρανὸν πύλας ἔχειν: εἴρηται δὲ βηλὸς ἀπο τοῦ βαίνεσθαι ὡς καὶ ὀδὸς ἀπο τοῦ διοδευεσθαι: τινὲς δὲ κατα Χαλδαίους τὴν ἀνωτάτω τοῦ οὐρανοῦ περιφέρεια: οἱ δὲ κατα Δρύοπας τὸν Ὄλυμπον : ἄμεινον δὲ τὸν βατῆρα λεγειν⁑

Comments on 1.591

msA 1.1446: κάππεσον ἐν Λήμνῳ προς τὰ περι Ὀλύμπου παράκειται γὰρ ἡ Λῆμνος τῇ Θράκῃ : τινὲς δὲ μεταποιοῦσιν ἐς Λῆμνον . ἀλλ’ ὁ ποιητὴς χρῆται τῷ τοιούτῳ σχήματι, ἐν δ’ έπεσ ᾨκεανῷ κάππεσεν ἐν κονίῃσι , θοῇ ἐν νηῒ πέσῃσιν , οὕτως Ἀρίσταρχος ⁑

Comments on 1.593

msA 1.1447: Σίντιες ἀπο τοῦ σίνεσθαι καὶ βλάπτειν ὄντας πειραστάς: ἠ ὅτι δοκοῦσιν αὐτοὶ πρώτοι ἐπινενοηκέναι τὰ προς τὸν πόλεμον όπλα: ταῦτα γὰρ ὁμολογουμένως βλάπτει⁑

Comments on 1.594