Venetus A (Marciana 454 = 822), folio 254, recto

previous	next
msA 253v	msA 254v

Iliad text (26 lines)

Iliad 19.126: αὐτίκα δ’ εἷλ’ Ἄτην κεφαλῆς λιπαροπλοκάμοιο:

Iliad 19.127: χωόμενος φρεσὶν ᾗσι: καὶ ὤμοσε κρατερὸν ὅρκον

Iliad 19.128: μή ποτ’ ἐς Οὔλυμπόν τε καὶ οὐρανὸν ἀστερόεντα

Iliad 19.129: αὖτις ἐλεύσεσθ’ Ἄτην ἣ πάντας ἀᾶται.

Iliad 19.130: ὣς εἰπὼν ἔρριψεν ἀπ’ οὐρανοῦ ἀστερόεντος

Iliad 19.131: χειρὶ περιστρέψας: τάχα δ’ ἵκετο ἔργ’ ἀνθρώπων.

Iliad 19.132: τὴν αἰεὶ στενάχεσχ’ ὅθ’ ἑὸν φίλον υἱὸν ὁρῷτο

Iliad 19.133: ἔργον ἀεικές ἔχοντα πρὸς Εὐρυσθῆος ἀέθλων

Iliad 19.134: ὣς καὶ ἐγὼν ὅτε δ’ αὖτε μέγας κορυθαίολος Ἕκτωρ

Iliad 19.135: Ἀργείους ὤλεσκεν ἐπὶ πρυμνῃσι νέεσσιν

Iliad 19.136: οὐ δυνάμην λελαθέσθαι Ἄτης ῇ πρῶτον ἀάσθην

Iliad 19.137: ἀλλ’ ἐπεὶ ἀασάμην: καί μευ φρένας ἐξείλετο Ζεύς ,

Iliad 19.138: ἂψ ἐθέλω ἀρέσαι: δόμεναί τ’ ἀπερείσι’ ἄποινα

Iliad 19.139: ἀλλ’ ὄρσευ πόλεμόν δε καὶ ἄλλους ὄρνιθι λαούς.

Iliad 19.140: δῶρα δ’ ἐγὼν ὅδε πάντα παρασχεῖν ὅσσα τοι ἐλθών

Iliad 19.141: χθιζὸς ἐνὶ κλισίῃσιν ὑπέσχετο δῖος Ὀδυσσεύς .

Iliad 19.142: εἰ δε ‘θέλεις ἐπίμεινον ἐπειγόμενός περ Ἄρηος

Iliad 19.143: δῶρα δέ τοι θεράποντες ἐμῆς παρὰ νηὸς ἑλόντες

Iliad 19.144: οἴσουσ’. ὄφρα ἴδηαι ὅ, τοι μενοεικέα δώσω:

Iliad 19.145: τόν δ’ ἀπαμειβόμενος προσέφη πόδας ὠκὺς Ἀχιλλεύς .

Iliad 19.146: Ἀτρείδη κυδιστε ἄναξ ἀνδρῶν Ἀγάμεμνον :

Iliad 19.147: δῶρα μὲν αἴ κ’ ἐθέλησθα παρασχέμεν ὡς ἐπιεικές

Iliad 19.148: ἤ τ’ ἐχέμεν παρὰ σοί⁚ νῦν δὲ μνησώμεθα χάρμης

Iliad 19.149: αἶψα μάλ’ οὐ γὰρ χρὴ κλοτοπεύειν ἐνθάδ’ ἐόντας

Iliad 19.150: οὐδὲ διατρίβειν: ἔτι γὰρ μέγα ἔργον ἄρεκτον.

Iliad 19.151: ὥς κέ τις αὖτ’ Ἀχιλῆα μετὰ πρώτοισιν ἴδηται

previous	next
msA 253v	msA 254v