Venetus A (Marciana 454 = 822), folio 257, recto
| previous | next |
|---|---|
| msA 256v | msA 257v |
Iliad text (24 lines)
Iliad 19.277: οἱ μὲν ἄρ ἐσκίδναντο ἑὴν ἐπὶ νῆα ἕκαστος:
Iliad 19.278: δῶρα δὲ Μυρμιδόνες μεγαλήτορες ἀμφεπένον :
Iliad 19.279: βὰν δ’ ἐπὶ νῆα φέροντες Ἀχϊλλῆος θείοιο:
Iliad 19.280: καὶ τὰ μὲν ἐν κλισίῃσι θέσαν κάθισαν δὲ γυναῖκ ,
Iliad 19.281: ἵππους δ’ ἐς ἀγέλην ἔλασαν θεράποντες ἀγαυοί.
Iliad 19.282: Βρισηὶς δ’ ἄρ ἔπειθ’ ἱκέλη χρυσῇ Ἀφροδίτῃ :
Iliad 19.283: ὡς ἴδε Πάτροκλον δεδαϊγμένον ὀξέϊ χαλκῷ
Iliad 19.284: ἀμφ’ αὐτῷ χυμένη λίγ’ ἐκώκυε: χερσὶ δ’ ἄμυσσε
Iliad 19.285: στήθεά τ’ ἠδ’ ἁπαλὴν δειρὴν: ἰδὲ καλὰ πρόσωπα:
Iliad 19.286: εἶπε δ’ ἄρα κλαίουσα γυνὴ εἰκυῖα θεῇσι
Iliad 19.287: Πάτροκλέ μοι δειλῇ πλεῖστον κεχαρισμένε θυμῷ:
Iliad 19.288: ζωὸν μέν σ’ ἔλειπον ἐγὼ κλισίηθεν ἰοῦσα
Iliad 19.289: νῦν δέ σε τεθνηῶτα κιχάνομαι ὄρχαμε λαῶν.
Iliad 19.290: ἂψ ἀνιοῦσ’ ὥς μοι δέχεται κακὸν ἐκ κακοῦ αἰεὶ.
Iliad 19.291: ἄνδρα μὲν ᾧ ἔδοσάν μ πατὴρ καὶ πότνια μήτηρ.
Iliad 19.292: εἶδον προ πτόλιος δεδαϊγμένον ὀξέι χαλκῷ:
Iliad 19.293: τρεῖς τε κασιγνήτους τούς μ μία γείνατο μήτηρ:
Iliad 19.294: κηδείους: οἳ πάντες ὀλέθριον ἦμαρ ἐπέσπον:
Iliad 19.295: οὐδὲ μὲν οὐδέ μ’ ἔασκες ὅτ’ ἄνδρ’ ἐμὸν ὠκὺς Αχιλλ
Iliad 19.296: ἔκτεινεν πέρσεν δὲ πόλιν θείοιο Μύνητος
Iliad 19.297: κλαίειν: ἀλλά μ’ ἔφασκες Ἀχιλλῆος θείοιο
Iliad 19.298: κουριδίην ἄλοχον θήσειν: ἄξειν δ’ ἐνὶ νηυσὶν
Iliad 19.299: ἐς Φθίην . δαίσειν δὲ γάμον μετὰ Μυρμιδόνεσσι:
Iliad 19.300: τῷ σ’ ἄμοτον κλαίω τεθνηότα: μείλιχον αἰεί:
| previous | next |
|---|---|
| msA 256v | msA 257v |
