Venetus A (Marciana 454 = 822), folio 257, verso
previous | next |
---|---|
msA 257r | msA 258r |
Iliad text (26 lines)
Iliad 19.301: ὣς ἔφατο κλαίουσ’ ἐπὶ δὲ στενάχοντο γυναῖκες:
Iliad 19.302: Πάτροκλον πρόφασιν: σφῶν δ’ αὐτῶν κήδε’ ἑκάστη.
Iliad 19.303: αὐτὸν δ’ ἀμφὶ γέροντες Ἀχαιῶν ἠγερέθοντο
Iliad 19.304: λισσόμενοι δειπνῆσαι: ὃ δ’ ἠρνεῖτο στεναχίζων
Iliad 19.305: λίσσομαι εἴ τις ἔμοιγε φίλων ἐπιπείθεθ’ ἑταίρων
Iliad 19.306: μή με πρὶν σίτοιο κελεύετε μὴ δὲ ποτῆτος
Iliad 19.307: ἄσασθαι φίλον ἦτορ: ἐπεί μ’ ἄχος αἰνὸν ἱκάνει.
Iliad 19.308: δύντα δ’ ἐς ἠέλιον μενέω καὶ τλήσομαι ἔμπης:
Iliad 19.309: ὣς εἰπὼν ἄλλους μὲν ἀπεσκέδασεν βασιλῆας.
Iliad 19.310: δύω δ’ Ἀτρείδα μενέτην καὶ δῖος Ὀδυσσεύς
Iliad 19.311: Νέστωρ Ἰδομενεύς τε: γέρων θ’ ἱππηλάτα Φοῖνιξ :
Iliad 19.312: τέρποντες πυκινῶς ἀκαχήμενον οὐδέ τι θυμῷ
Iliad 19.313: τέρπετο πρὶν πολέμου στόμα δύμεναι αἱματόεντος:
Iliad 19.314: μνησάμενος δ’ ἀδινῶς ἀνενείκατο φώνησέν τε
Iliad 19.315: ἦ ῥὰ νύ μοι ποτὲ καὶ σύ δυσάμορε φίλταθ’ ἑταίρων
Iliad 19.316: αὐτὸς ἐν κλισίῃ λαρὸν παρὰ δεῖπνον ἔθηκας:
Iliad 19.317: αἶψα καὶ ὀτραλέως: ὁπότε σπερχοίατ’ Ἀχαιοὶ
Iliad 19.318: Τρωσὶν ἐφ’ ἱπποδάμοισι φέρειν πολύδακρυν Ἄρηα
Iliad 19.319: νῦν δὲ σὺ μὲν κεῖσαι δεδαϊγμένος: αὐτὰρ ἐμὸν κῆρ
Iliad 19.320: ἄκμηνον πόσιος καὶ ἐδητύος: ἔνδον ἐόντων,
Iliad 19.321: σῇ ποθῇ: οὐ μὲν γάρ τι κακώτερον ἄλλο πάθοιμι
Iliad 19.322: οὐδ’ εἴ κεν τοῦ πατρὸς ἀποφθιμένοιο πυθοίμην:
Iliad 19.323: ὅς που νῦν Φθίηφι τέρεν κατὰ δάκρυον εἴβει:
Iliad 19.324: χήτει τοιοῦδ’ υἷος: ὃ δ’ ἀλλοδαπῷ ἐνὶ δήμῳ:
Iliad 19.325: εἵνεκα ῥιγεδανῆς Ἑλένης Τρωσὶν πολεμίζω:
Iliad 19.326: ἠὲ τὸν. ὃς Σκύρῳ μοι ἔνι τρέφεται φίλος υἱὸς:
previous | next |
---|---|
msA 257r | msA 258r |