Venetus A (Marciana 454 = 822), folio 26, verso

previous	next
msA 26r	msA 27r

Iliad text (25 lines)

Iliad 2.111: Ζεύς με, μέγα Κρονίδης ἄτῃ ἐνέδησε βαρείῃ:

Commented on by msA 2.168, msA 2.169, msAil 2.197, msAil 2.198

Iliad 2.112: σχέτλιος: ὃς πρὶν μέν μοι ὑπέσχετο: καὶ κατένευσεν

Commented on by msA 2.170, msAil 2.199, msAil 2.200

Iliad 2.113: Ἴλιον ἐκπέρσαντ’ εὐτείχεον ἀπονέεσθαι:

Commented on by msAil 2.201, msAim 2.186

Iliad 2.114: νῦν δὲ κακὴν ἀπάτην βουλεύσατο. καί με κελεύει

Commented on by msA 2.171

Iliad 2.115: δυσκλέᾰ, Ἄργος ἱ̈κέσθαι, ἐπεὶ πολὺν ὤλεσα λαόν:

Commented on by msA 2.172, msA 2.173, msAil 2.202, msAil 2.203

Iliad 2.116: οὕτω που Διῒ μέλλει ὑπερμενέϊ φίλον εἶναι:

Commented on by msAint 2.193, msA 2.174, msAil 2.204, msAil 2.205, msAil 2.206

Iliad 2.117: ὃς δὴ πολλάων πολίων κατέλυσε κάρηνα.

Commented on by msA 2.175, msAil 2.207, msAim 2.187

Iliad 2.118: ἠδ’ ἔτι, καὶ λύσει: τοῦ γὰρ κράτος ἐστὶ μέγιστον:

Commented on by msA 2.176

Iliad 2.119: αἰσχρὸν γὰρ τόδε γ’ ἐστὶ καὶ ἐσσομένοισι πυθέσθαι.

Commented on by msAil 2.208, msAim 2.188

Iliad 2.120: μὰψ, οὕτω, τοιόνδε τοσόνδέ τε λαὸν Ἀχαιῶν

Commented on by msAil 2.209, msAil 2.210, msAil 2.211

Iliad 2.121: ἄπρηκτον πόλεμον πολεμίζειν ἠδὲ μάχεσθαι

Commented on by msAil 2.212, msAil 2.213

Iliad 2.122: ἀνδράσι παυροτέροισι: τέλος δ’ οὔ πώ τι πέφανται:

Commented on by msA 2.177, msAil 2.214, msAil 2.215, msAim 2.189

Iliad 2.123: εἴ περ γάρ κ’ ἐθέλοιμεν Ἀχαιοί τε Τρῶές τε

Commented on by msAint 2.194, msA 2.178

Iliad 2.124: ὅρκια πιστὰ ταμόντες ἀριθμηθήμεναι ἄμφω:

Commented on by msA 2.179

Iliad 2.125: Τρῶας μὲν λέξασθαι ἐφέστιοι ὅσσοι ἔασιν:

Commented on by msA 2.180, msA 2.181, msAil 2.216, msAim 2.190

Iliad 2.126: ἡμεῖς δ’ ἐς δεκάδας διακοσμηθεῖμεν Ἀχαιοί :

Iliad 2.127: Τρώων δ’ ἄνδρα ἕκαστον ἑλοίμεθα οἰνοχοεύειν.

Commented on by msAint 2.195

Iliad 2.128: πολλαί κεν δεκάδες δευοίατο οἰνοχόοιο:

Iliad 2.129: τόσσον ἐγὼ φημι πλέας ἔμμεναι υἷας Ἀχαιῶν

Commented on by msAil 2.217, msAim 2.191

Iliad 2.130: Τρώων , οἳ ναίουσι κατὰ πτόλιν: ἀλλ’ ἐπίκουροι

Commented on by msA 2.182, msAil 2.218

Iliad 2.131: πολλέων ἐκ πολίων ἐγχεσπάλοι ἄνδρες ἔασιν:

Commented on by msA 2.183, msA 2.184, msAil 2.219

Iliad 2.132: οἵ με μέγα πλάζουσι καὶ οὐκ εἰῶσ’ ἐθέλοντα

Commented on by msAint 2.196, msAil 2.220

Iliad 2.133: Ἰλίου ἐκπέρσαι εὖ ναιόμενον πτολίεθρον.

Commented on by msA 2.185

Iliad 2.134: ἐννέα δὴ βεβάασι Διὸς μεγάλου ἐνιαυτοί.

Commented on by msAil 2.221

Iliad 2.135: καὶ δὴ δοῦρα σέσηπε, νεῶν, καὶ σπάρτα λέλυνται:

Commented on by msAil 2.222, msAim 2.192

Other texts (47 passages)

Scholia group: msA

msA 2.168: Ζεύς με μέγα ὅτι Ζηνοδοτος γράφει Ζεύς με μέγας Κρονίδης καὶ ὅτι ἀπο τούτου ἕως αἰσχρὸν γὰρ τὸδέ γ’ ἐστι , οὕτως συντέμνει ὦ φίλοι ἥρωες Δαναοὶ θεράποντες Ἄρηος : λώβη γὰρ τὰδέ γ’ ἐστι καὶ ἐσσομένοισι πυθέσθαι μὰψ οὕτω ⁑

Comments on 2.111

msA 2.169: Ζεύς με μέγα Κρονίδης σχολικὸν αγνόημα τῷ δοκεῖν Ζηνοδοτειον εἶναι τὴν μετὰ τοῦ σ γραφήν: καὶ δόξειεν ἂν ὑπὸ Διονυσίου τοῦ Θρᾳκὸς ταῦτα δεδόσθαι ἐν γὰρ τὸ Περι ποσοτήτων καθάπτεται Ζηνοδότου ὡς ἡγνοηκότος ὅτι τὸ μΓ ἀντι τοῦ μεγάλως ὍμΡ ἀποχρῆται παρ’ ὃ δὴ καὶ κατά τινα τῶν ὑπομνημάτων μετειλῆφθαι τὸ μΓ ἀντὶ τοῦ μεγάλως τὸ δὲ ουκ έχει τ’ἀκριβὲς οὕτως εἰ γὰρ τὰ συγγράμματα τῶν ὑπομνημάτων προττάτοιμεν ἕνεκα γοὖν τ’ἀκριβοῦς γράφοιμεν κατὰ Ἀρίσταρχον Ζεύς με μέγας , ἐν γοῦν τῷ Πρὸς Φιλιταν συγγράμματι τῆ γραφῆ κέχρηται δύο λέγων τὸ μέγας σημαίνειν τότε μὲν τὸ καθ αυτὸ καθάπερ νῦν Ζεύς με μέγα Κρονίδης καὶ κεῖτο μέγας μεγαλωστί λελασμένος ἱπποσυνάων : τότε δὲ αῦ τὸ προς τὴν κατα τὸν Αἴαντα τὸν ἕτερον διάκρισιν: Αἴας δ’ ὁ μέγας . κὰν ταῖς Λιταῖς ἐξηγούμενος αὐτὰρ ἔπειτ’ Αἴας τε μέγας ἔν τινι τῶν ἠκριβωμένων ποιημάτων γράφει ταῦτα κατὰ λέξιν: οὐ κατ επίθετον λέγει μέγας ἀλλα προς ἀντιδιαστολὴν τοῦ ετευ Αἴαντος : ὅταν δὲ λέγῃ ‘Ζεύς με μέγας Κρονίδης’ οὐκέτι ὅτι καὶ ἕτεο μικρός ἐστιν καὶ τοὺς ἀπ αυτοῦ δὲ χρωμένους ἐστὶν εὑρεῖν τῇ γραφῇ Διὸνυσίδωρον τὸν Ἀλεξανδρέα καὶ Ἀμμώνιον ἐπιλέγουσι δὲ οὐδὲν: διὃ καὶ τὰς μαρτυρίας αὐτῶν οὐκ εγράψαμεν. καὶ Καλλίστρατος δὲ ἐν τῷ Περι Ϊλιάδος οὕτως προφέρεται ὥστε ὅμοιον εῖναι τῶ ἐπεὶ μέγας ὠδύσατο Ζεῦς : οὐδὲ ὁ Ἐπιθέτης δὲ Πτολεμαῖος τὰς Ζηνοδότου γραφᾶς ἐκτιθεμενος ταυτην ωμολόγει Ζηνοδότου εῖναι ταύτα ὁ Δίδυμος ⁑

Comments on 2.111

msA 2.170: σχέτλιος: τοῦτο καθ εαυτὸ προενεκτεον ὡς ἐν τοῖς ἄνω τὸ νηπιος μαλλον γαρ κομματικῶς λεγόμενον ἐμφαίνει⁑

Comments on 2.112

msA 2.171: κακὴν απάτην: ἔστι γὰρ καὶ δικαία: Αἰσχύλος ἀπατης δικαίας οὐκ αποστατεῖ θεός . καὶ τίς πείθοιτο θεῶν ἐναντία ἑαυτῷ βουλεύσασθαι⁑

Comments on 2.114

msA 2.172: δυσκλέα Ἄργος: ὅτι κατὰ συστολὴν Ὁμηρικην τὰ τοιαῦτα ἐκφέρει. δυσκλέα καὶ ἀγακλέα Ἱωνικῶς οἱ δὲ Αττικοὶ ἐκτείνουσιν⁑

Comments on 2.115

msA 2.174: οὕτω που Διϊ μελλει: προς τὸ μέλλει ὅτι ἀντι τοῦ ἔοικεν : ὁ δὲ ἀστερίσκος ὅτι εἰς τὰς Λιτὰς οὐκ ορθῶς μετάκεινται δίς⁑

Comments on 2.116

msA 2.175: πολλάων πολίων: ἄδηλον εἴτε καθολικῶς αὐτὸ λέγει εἴτε περὶ τῶν εἰκοσιτριῶν ὑπόνοιαν διδοὺς καὶ περι Ϊλίου ⁑

Comments on 2.117

msA 2.176: τοῦ γὰρ κράτος: πειθανὸν γὰρ ἐκ τῶν ὑποκειμενων τὴν δύναμιν δεῖξαι τοῦ θυ τοῦ γὰρ κράτος: Πυθαγόρας φησὶ: τί ἔστι θς τὸ πάντων κρατοῦν ὅς γε καὶ πολέμων εξουσίαν ἔχει τίς οὖν ἂν εἴην ἐγώ:

Comments on 2.118

msA 2.177: παυροτέροισι⁑ οἱ μεν Τρῶες χωρὶς τῶν. ἐπικούρων ἦσαν ἀριθμῷ μυρίαδας πέντε : τὸ δὲ τῶν Ἑλλήνων πληθος τινὲς φασὶ μυρίαδας δώδεκα ἄλλοι δὲ ιδ ⁑

Comments on 2.122

msA 2.178: εἴπερ γάρ κ’ ἐθέλοιμεν: ἕως τοῦ οἰνοχοεύειν ὑποστιγμαί εισὶν ἐν ὑποκρίσει πάσαι ἄμφω . καὶ ἔασιν , , καὶ Ἀχαιοὶ . καὶ οἰνοχοεύειν , τῆς δὲ ἀρνήσεως ὁ ει σύνδεσμος αἴτιος⁑

Comments on 2.123

msA 2.179: ὅρκια πιστὰ ταμόντες: ἀθετεῖται οὐ γὰρ ἐπ ἀληθίας λέγεται ἀλλ’ ὑπερβολικῶς τὰ τῶν δεκάδων προς τι οὖν ὅρκια⁑

Comments on 2.124

msA 2.180: Τρώας μὲν λέξασθαι: Ἀριστάρχου λέξεις ἐκ τῶν ὑπομνημάτων ἐὰν καὶ τὰ παιδία καὶ τοὺς πρεσβύτας ἀριθμήσωσιν οὐ μὴ γένωνται: ὅσοι ἡμεῖς. τοῦτο δέ ἐστι κατοικητίδιοι καὶ ἔναυλοι καὶ ἐν Οδ πᾶσιν γὰρ ἐπιστιόν ἐστιν ἑκάστῳ . ὡσεὶ κατάλυμα παρα τῇ νηΐ ἡ διπλῆ δὲ ὅτι τὸ λέξασθαι νῦν οὔτε ἐπι τοῦ κοιμηθῆναι οὔτε ἐπι τοῦ καταριθμηθῆναι κεῖται ἀλλ’ ἐπὶ τοῦ συλλεγῆναι καὶ ἀθροισθῆναι ἔν τ’αὐτῷ καὶ ὅτι ἐφέστιοι ὅσοι ἐστίας τοῦτέστιν οικίας αὐτόθι διαμενουσιν⁑

Comments on 2.125

msA 2.181: τὸ λέξασθαι: δηλοῖ τὸ κοιμασθαι, λέξασθαι εἰς ευνήν : τὸ επιλέξατο λέξατο κούρους : τὸ ἀριθμεῖν, λέγε κήτεσιν ⁑

Comments on 2.125

msA 2.182: Τρώων: οἳ νέουσι: ἕως τοῦ Ἰλίου εκπέρσαι ἀθετοῦνται στίχοι δ ὅτι καθόλου παντας τοὺς βαρβάρους συν τοῖς επικούροις ήσσονας τῶν Ἑλληνων δια παντὸς φησὶ εἷναι⁑

Comments on 2.130

msA 2.183: ἐγχεσπάλοι ἄνδρες έασι: ἐν τῆ ἑτέρᾳ τῶν Ἀριστάρχου εὕρομεν ενεισὶ , καὶ Καλλίστρατος οὕτως εν τῶ Περὶ Ἰλιάδος γράφει καθάπερ καὶ τὸ ἡμεῖς δὲ μαχόμεθ’ οἵπερ τ’ ἐπικουροι, ἔνειμεν παρ ὃ καὶ διχῆ γράφομεν. ἐγχεσπάλοι δὲ ὅτι ἔσειον τὰ δῶρα τὰ προ τῆς ἀφεσεως μήποτε ἄρα εἶεν κλασθέντα⁑

Comments on 2.131

msA 2.184: οἵ με μέγα πλάζουσι: τὸ οι ἤτοι ἄρθ ὑποτακτικόν ἐστιν ἠ ἀντὶ τῆς οὗτοι ἀντωνυμίας, πάλιν οὖν ἤτοι τελείαν στιγμὴν ἠ διαστολὴν θήσομεν ἐπι τὸ ἄνδρες έασι , ἐπι δὲ τὸ πλάζουσι θετέον τὴν ἄνω δευτέραν στιγμὴν ἥτις ἕνα χρόνον δύναται σιωπῆς⁑

Comments on 2.131