Venetus A (Marciana 454 = 822), folio 298, recto
previous | next |
---|---|
msA 297v | msA 298v |
Iliad text (24 lines)
Iliad 23.262: Ἱππεῦσιν μὲν πρῶτα ποδώκεσιν ἀγλὰ’ ἄεθλα
Iliad 23.263: θῆκε γυναῖκα ἄγεσθαι ἀμύμονα ἔργ’ εἰδυῖαν.
Iliad 23.264: καὶ τρίποδ’ ὠτώεντα. δύωκαὶεἰκοσίμετρον
Iliad 23.265: τῷ πρώτῳ: ἀτὰρ αὖ, τῷ δευτέρῳ. ἵ̈ππον ἔθηκεν
Iliad 23.266: ἑξετέ’, ἀδμήτην. βρέφος ἡμίονον κυέουσαν:
Iliad 23.267: αὐτὰρ τῶ τριτάτῳ. ἄπυρον κατέθηκε λέβητα
Iliad 23.268: καλὸν. τέσσαρα μέτρα κεχανδότα. λευκὸν ἔτ’ αύτως:
Iliad 23.269: τῷ δὲ τετάρτῳ θῆκε δύο χρυσοῖο τάλαντα:
Iliad 23.270: πέμπτῳ δ’ ἀμφίθετον φιάλην ἀπύρωτον ἔθηκε:
Iliad 23.271: στῆ δ’ ὀρθὸς. καὶ μῦθον ἐν Ἀργείοισιν ἔειπεν:
Iliad 23.272: Ἀτρείδη τε καὶ ἄλλοι ἐϋκνήμιδες Ἀχαιοὶ.
Iliad 23.273: ἱππῆας τάδ’ ἄεθλα δεδεγμένα κεῖτ’ ἐν ἀγῶνι:
Iliad 23.274: εἰ μὲν νῦν ἐπὶ ἄλλω ἀεθλεύοιμεν Ἀχαιοὶ.
Iliad 23.275: ῆ τ’ ἂν ἐγὼ τὰ πρῶτα λαβὼν. κλισίην δὲ φεροίμην:
Iliad 23.276: ἴ̈στε γὰρ ὅσσον ἐμοὶ ἀρετῆ περιβάλλετον ἵπποι:
Iliad 23.277: ἀθάνατοί τε γάρ εἰσι Ποσιδάων δ’ έπορ’ αὐτοὺς
Iliad 23.278: πατρὶ ἐμῷ Πηλῆϊ. ὁ δ’ ἀῦτ’ ἐμοὶ ἐγγυάλιξεν:
Iliad 23.279: ἂλλ’ ἤτοι μὲν ἐγὼ μενέω καὶ μώνυχες ἵπποι:
Iliad 23.280: τοίου γὰρ κλέος ἐσθλὸν ἀπώλεσαν ἡνιόχοιο.
Iliad 23.281: ἠπίου, ὅς σφωϊν μάλα πολλάκις ὑγρὸν ἔλαιον
Iliad 23.282: χαιτάων κατέχευε. λοέσσας ὕδατι λευκῷ:
Iliad 23.283: τὸν τώ γ’ ἑσταότες, πενθείετον. ούδεϊ δέ σφι
Iliad 23.284: χαῖται ἐρηρέδαται. τὼ δ’ έστατον ἀχνυμένω κῆρ:
Iliad 23.285: ἄλλοι δὲ στέλλεσθε κατα στρατὸν, ὅς τις Ἀχαιῶν
previous | next |
---|---|
msA 297v | msA 298v |