Venetus A (Marciana 454 = 822), folio 299, recto
previous | next |
---|---|
msA 298v | msA 299v |
Iliad text (25 lines)
Iliad 23.310: βάρδιστοι θείειν. τῶ τ’ οἴω λοίγι’ ἔσεσθαι:
Iliad 23.311: τῶν δ’ ἵπποι μὲν έασιν φάρτεροι, οὐδὲ μὲν αυτοὶ
Iliad 23.312: πλείονα, ί̈σσασιν σέθεν αὐτοῦ μητίσασθαι:
Iliad 23.313: ἁλλ' άγε δὴ σὺ φίλος μῆτιν ἐμβάλλεο θυμῷ
Iliad 23.314: παντοίην. ἵνα μή σε παρεκπροφύγῃσιν ἄεθλα:
Iliad 23.315: μήτῑ τοι δρυτόμος μέγ’ μείνων, ἠὲ βίηφι:
Iliad 23.316: μήτῑ δ’ αῦτε κυβερνήτης ἐνι οἴνοπι πόντῳ
Iliad 23.317: νῆα θοὴν ἰθύνει ἐρεχθομένην ἀνέμοισι:
Iliad 23.318: μήτῑ δ’ ἡνίοχος περιγίνεται ἡνιόχοιο:
Iliad 23.319: ἂλλ’ ὃς μέν θ’ ἵπποισι καὶ ἅρμασιν οἷσι πεποιθὼς
Iliad 23.320: ἀφραδέως ἐπι πολλὸν ἐλίσσεται ἔνθα καὶ ἔνθα,
Iliad 23.321: ἵπποι δὲ πλανόωνται ἀνὰ δρόμον. οὐδὲ κατίσχει:
Iliad 23.322: ὃς δέ κε κέρδεα εἰδῇ. ἐλαύνων ἥσσονας ἵππους.
Iliad 23.323: αἰεὶ τέρμ’ ὁρόων, στρέφει ἐγγύθεν: οὐδέ ἑ λήθει
Iliad 23.324: ὅππως τὸν πρῶτον τανύσῃ βοέοισιν ϊμᾶσιν:
Iliad 23.325: ἂλλ’ ἔχει σφαλέως. καὶ τὸν προὔχοντα δοκεύει:
Iliad 23.326: σῆμα δέ τοι ἐρέω μάλ’ ἀριφραδὲς. οὐδέ σε λήσει:
Iliad 23.327: ἕστηκε ξύλον αὗον ὅσόν τ’ ὄργυι’ ὑπερ αἴης.
Iliad 23.328: ἠ δρυὸς. ἠ πεύκης. τὸ μὲν οὐ καταπύθεται ὄμβρῳ:
Iliad 23.329: λᾶε δὲ τοῦ ἑκάτερθεν ἐρηρέδαται δύο λευκὼ
Iliad 23.330: ἐν ξυνοχῇσιν ὁδοῦ. λεῖος δ’ ἱππόδρομος ἀμφίς:
Iliad 23.331: ἤ τευ, σῆμα βροτοῖο πάλαι κατατεθνειῶτος ,
Iliad 23.332: ἢ τό γε νύσσα τέτυκται ἐπι προτέρων ἀνθρώπων:
Iliad 23.333: καὶ νῦν τέρματ’ ἔθηκε ποδάρκης δῖος Ἀχιλλεύς:
Iliad 23.334: τῷ σὺ μάλ’ ἐγχρίμψας ἐλάαν σχεδὸν ἅρμα καὶ ἵππους:
previous | next |
---|---|
msA 298v | msA 299v |