Venetus A (Marciana 454 = 822), folio 58, recto

previous	next
msA 57v	msA 58v

Iliad text (25 lines)

Iliad 4.334: έστασαν, ὁππότε πύργος Ἀχαιῶν ἄλλος ἐπελθὼν,

Commented on by msA 4.536, msAil 4.853

Iliad 4.335: Τρώων ὁρμήσειε, καὶ ἄρξειαν πολέμοιο:

Iliad 4.336: τοὺς δὲ ἰ̈δὼν νείκεσσεν ἄναξ ἀνδρῶν Ἀγαμέμνων :

Iliad 4.337: καί σφεας φωνήσας ἔπεα πτερόεντα προσηῦδα :

Iliad 4.338: ὦ υἱὲ Πετεῶο διοτρεφέος βασιλῆος:

Commented on by msAim 4.849

Iliad 4.339: καὶ σὺ κακοῖσι δόλοισι κεκασμένε κερδαλεόφρον

Commented on by msAint 4.542, msA 4.541, msAil 4.1003

Iliad 4.340: τίπτε καταπτώσσοντες ἀφέστατε μίμνετε δ’ ἄλλους:

Iliad 4.341: σφῶϊν μέν τ’ ἐπέοικε μετα πρώτοισιν ἐόντας

Iliad 4.342: ἑστάμεν. ἠδὲ μάχης καϋστειρῆς ἀντιβολῆσαι:

Iliad 4.343: πρώτω γὰρ καὶ δαιτὸς ἀκουάζεσθον ἐμεῖο.

Commented on by msA 4.549

Iliad 4.344: ὁππότε δαῖτα γέρουσιν ἐφοπλίζοιμεν Ἀχαιοί :

Commented on by msA 4.551

Iliad 4.345: ἔνθα φίλ’ ὀπταλέα κρέα έδμεναι. ἠδὲ κύπελλα

Commented on by msAim 4.850

Iliad 4.346: οἴνου πινέμεναι μελιηδέος: ὄφρ’ ἐθέλητον:

Commented on by msAim 4.851

Iliad 4.347: νῦν δὲ φίλως χ’ ορόωτε καὶ εἰ δέκα πύργοι Ἀχαιῶν

Iliad 4.348: ὑμείων προπάροιθε μαχοίατο νηλέϊ χαλκῷ:

Iliad 4.349: Τὸνδ`’ ἂρ ὑπόδρα ἰ̈δὼν προσέφη πολύμητις Ὀδυσσεύς :

Iliad 4.350: Ἀτρείδη . ποῖόν σε ἔπος φύγεν ἕρκος ὀδόντων:

Commented on by msA 4.558

Iliad 4.351: πῶς δὴ φῂς πολέμοιο μεθειέμεν : ὁππότ’ Ἀχαιοὶ

Iliad 4.352: Τρωσὶν ἐφ’ ἱ̈πποδάμοισιν ἐγείρομεν ὀξὺν Ἄρηα :

Iliad 4.353: ὄψεαι ἢν κ’ ἐθέλῃσθα, καὶ αἴ κέν τοι τὰ μεμήλῃ

Iliad 4.354: Τηλεμάχοιο φίλον πατέρα προμάχοισι μιγέντα

Commented on by msA 4.563

Iliad 4.355: Τρώων ἱ̈πποδάμων: συ δὲ ταῦτ’ ἀνεμώλια βάζεις:

Iliad 4.356: Τὸν δ`’ ἐπὶ μειδήσας προσέφη κρείων Ἀγαμέμνων

Iliad 4.357: ὡς γνῶ χωομένοιο: πάλιν δ`’ ὅ γε λάζετο μῦθον:

Commented on by msAim 4.852

Iliad 4.358: διογενὲς: Λαερτιάδη : πολυμήχαν’ Ὀδυσσεῦ :

Other texts (15 passages)

Scholia group: msA

msA 4.536: ‡ ἔστασαν ὁπποτε πύργος: πύργος τάξις, συνεστηκεν δὲ πυργος ἐκ τ εξήκοντ ανδρῶν ὁ δὲ τρόπος μεταφορά: ⁑

Comments on 4.334

msA 4.537: Τρώων ὁρμήσειε. ὅτι ἡ διπλὴ προς τὸ σχῆμα δι ὅτι ἐλλείπει ἡ επὶ καὶ πτῶσις ενήλακται. ἔστι γὰρ ἀντι τοῦ ὡς ἐπι Τρώας ὀρμήσειεν ὅτι δὲ ἡ κατὰ Ἀρισταρχόν ἔχει καὶ τὸ Ἀχαιῶν ἄμεινον ἀκούειν ἐπ Αχαιοὺς πιθανὸν γὰρ ἐπιμενειν τοὺς Ἕλληνας ἕως ἂν προ ἐπιχειρήσωσιν ἀυτοῖς οἱ βάρβαροι καὶ τρόπον τινὰ δεύτερον μετὰ Πάνδαρον παρασπονδίσωσιν : δι ὃ καὶ μήποτε ἄμεινον ἐν τῇ πολυστίχῳ φέρεται, ἕστασαν ὁππότε κέν τις ἐναντίον ἄλλος ἐπελθὼν Τρώων ὁρμήσειεν καὶ ἄρξειεν πολέμοιο ⁑

Comments on 4.334-4.335

msA 4.541: κεκασμένε: ἐπι κακοῦ ἐκέκαστο κλεπτοσύνη θ’ ὅρκῳ τ’ε ⁑

Comments on 4.339

msA 4.549: πρώτω γὰρ. ὅτι συλληπτικῶς τὸ τῷ Ὀδυσσεῖ συμβεβηκὼς καὶ ἐπι τοῦ Μενεσθέως κεκοινοποίηκεν οὐ γὰρ ὁ Μενεσθεὺς ἐστι τῶν ἑπτὰ γεροντων ἀλλ’’ Ὀδυσσεὺς Διομήδης οὐδε σὺν τῷ Ἀγαμέμνονι εὐωχεῖται: καὶ ὅτι ἀκουάζεσθον εἶπε τροπικῶς ἀντι τοῦ ἐπαισθάνεσθαι: ἐπεὶ ἡ ἀκοὴ εἶδος ἐστιν αἰσθήσεως, καὶ τὸ οὐδε πληγὴς ἀΐοντες , οὐ λέγει δὲ τῆς εμῆς δαιτὸς πρῶτοι ἀκούετε. ἀλλα πρώτοι μου ἀκούετε περὶ δαιτός οὔτως Ἀρίσταρχ λείπειν δὲ φασι τὴν περὶ εθίμως ἵν’ ἦ οἳ περὶ δαιτος πρώτοι εμου μετα λαμβάνεται οὕτως Ἀπολλώ ἐν τῷ περι αντωνυμιῶν ⁑

Comments on 4.343

msA 4.552: ἔνθα φίλ’ οπταλέα: οὗτοι ἐν μεν τοῖς ὑπομνήμασιν. οὐκ αθετοῦνται ἐπαιτιῶνται δὲ αὐτοὺς οἱ ἡμέτεροι ὡς ἀπρεπῶς καὶ παρα τὰ πρόσωπα εἰς κρεάδιον ὀνειδίζοντος τοῦ Ἀγαμέμνονος ⁑

Comments on 4.345-4.346

msA 4.551: ὁπποτε δαῖτα γέρουσιν: ὡς τὸ γερούσιον αἴθοπα οἶνον : αἰσχρον δὲ τὸ ἐν συμποσίῳ τοῖς ἀρίστοις καταλέγεσθαι ἐν δὲ πολέμῳ τοῖς ἐσχάτοις ⁑

Comments on 4.344

msA 4.559: πῶς δὴ φὴς: ἀμφίβολος ἡ ἀνάγνωσις ήτοι γὰρ εἰς τὸ μεθιέμεν διαστολη: στιγμὴ δὲ τελεία εὶς τὸ Ἄρηα ἢ εἰς τὸ μεθιεμεν τελεία στιγμὴ. ὑπο στιγμὴ δὲ εἰς τὸ Ἄρηα . ὃ καὶ βελτιον ἵνα λέγῃ τότε φανήσεσθαι ἀνδρείως, ὁππότ αν πόλεμος ᾖ ⁑

Comments on 4.351-4.353

msA 4.558: ἕρκος ὀδόντων: ὁποῖον τοῦτον λόγον ἐτόλμησας τῷ στόματί σου εἰπεῖν: ἕρκος γάρ φησιν τὸ περίφραγμα τῶν ὀδόντων τὰ χείλη περιφραστικῶς ⁑

Comments on 4.350