Venetus A (Marciana 454 = 822), folio 74, recto
| previous | next |
|---|---|
| msA 73v | msA 74v |
Iliad text (25 lines)
Iliad 5.588: ὄφρ’ ἵππω πλήξαντε χαμαὶ βάλον ἐν κονίῃσιν
Iliad 5.589: τοὺς ἵμας’ Ἀντίλοχος : μετὰ δὲ στρατὸν ἤλας’ Ἀχαιῶν :
Iliad 5.590: Τούς δ’ Ἕκτωρ ἐνόησε κατὰ στίχας ὦρτο δ’ ἐπ’ αὐτούς
Iliad 5.591: κεκληγὼς: ἅμα δὲ Τρώων εἵποντο φάλαγγες
Iliad 5.592: καρτεραὶ: ἦρχε δ’ ἄρα σφιν Ἄρης καὶ πότνι’ Ἐνυώ
Iliad 5.593: ἡ μὲν ἔχουσα Κυδοιμὸν ἀναιδέα δηϊοτῆτος
Iliad 5.594: Ἄρης δ’ ἐν παλάμῃσι πελώριον ἔγχος ἐνώμα:
Iliad 5.595: φοίτα δ’ ἄλλοτε μὲν πρόσθ’ Ἕκτορος : ἄλλοτ’ ὄπισθε:
Iliad 5.596: τόνδὲ ἰδὼν ῥίγησε βοὴν ἀγαθὸς Διομήδης :
Iliad 5.597: ὡς δ’ ὅτ’ ἀνὴρ ἀπάλαμνος ἰὼν πολέος πεδίοιο
Iliad 5.598: στῄη ἐπ’ ὠκυρόῳ ποταμῷ ἅλαδε προρέοντϊ
Iliad 5.599: ἀφρῷ μορμύροντα ἰδὼν ἀνά τ’ ἔδραμ’ ὀπίσσω:
Iliad 5.600: ὣς τότε Τυδείδης ἀνεχάζετο εἶπὲ τε λαῷ
Iliad 5.601: ὦ φίλοι: οἷον δὴ θαυμάζομεν Ἕκτορα δῖον
Iliad 5.602: αἰχμητήν τ’ ἔμεναι καὶ θαρσαλέον πολεμιστήν:
Iliad 5.603: τῷ δ’ αἰεὶ πάρα εἷς γε θεῶν: ὃς λοιγὸν ἀμύνει:
Iliad 5.604: καὶ νῦν οἱ πάρα κεῖνος Ἄρης βροτῷ ἀνδρὶ ἐοικώς:
Iliad 5.605: ἀλλὰ πρὸς Τρῶας τετραμμένοι αἰὲν ὀπίσσω
Iliad 5.606: εἴκετε: μὴδὲ θεοῖς μενεαινέμεν ἶφι μαχεσθαι:
Iliad 5.607: Ὣς ἂρ ἔφη: Τρῶες δὲ μάλα σχεδὸν ἤλυθον αὐτῶν:
Iliad 5.608: ἔνθ’ Ἕκτωρ δύω φῶτε κατὲκτανεν εἰδότε χάρμης:
Iliad 5.609: εἰν ἑνὶ δίφρῳ ἐόντε: Μενέσθην : Ἀγχίαλόν τε.
Iliad 5.610: τὼ δὲ πεσόντ’ ἐλέησε μέγας Τελαμώνιος Αἴας :
Iliad 5.611: στῆ δὲ μάλ’ ἐγγύς ἰων καὶ ἀκόντισε δουρὶ φαεινῷ:
Iliad 5.612: καὶ βάλεν Ἄμφιον Σελάγου υἱὸν ὅς ῥ’ ἐνὶ Παισῷ
| previous | next |
|---|---|
| msA 73v | msA 74v |
