Venetus A (Marciana 454 = 822), folio 87, recto

previous	next
msA 86v	msA 87v

Iliad text (25 lines)

Iliad 6.331: ἀλλ’’ ἄνα: μὴ τάχα ἄστυ πυρὸς δηΐοιο θέρηται:

Commented on by msAint 6.187

Iliad 6.332: τὸν δ`’ αὖτε προσέειπεν Ἀλέξανδρος θεοειδής:

Iliad 6.333: Ἕκτορ . ἐπεί με κατ’ αῖσαν ἐνείκεσας, οὐδ’ ὑπὲρ αῖσαν.

Iliad 6.334: τούνεκά τοι ἐρέω: σὺ δὲ σύνθεο καί μευ ἄκουσον:

Iliad 6.335: οὔ τοι ἐγὼ Τρώων τόσσον χόλῳ οὐδὲ νεμέσσῑ

Commented on by msA 6.107

Iliad 6.336: ἥμην ἐν θαλάμῳ: ἔθελον δ’ ἄχεϊ προτραπέσθαι:

Commented on by msAint 6.188, msA 6.108, msA 6.109

Iliad 6.337: νῦν δέ με παρειποῦς’ ἄλοχος μαλακοῖς ἐπέεσσιν

Commented on by msA 6.110, msAil 6.291

Iliad 6.338: ὥρμης’ ἐς πόλεμον. δοκέει δέ μοι ὧδε καὶ αὐτῷ

Commented on by msAint 6.189, msAint 6.190

Iliad 6.339: λώϊον ἔσσεσθαι, νίκη δ’ ἐπαμείβεται ἄνδρας:

Iliad 6.340: ἀλλ’ άγε νῦν ἐπίμεινον, Ἀρήϊα τεύχεα δύω.

Iliad 6.341: ἢ ΐθ’, ἐγὼ δὲ μέτ’ειμι : κιχήσεσθαι δέ σ’ ὀΐω:

Commented on by msAil 6.A18

Iliad 6.342: ὡς φάτο. τὸν δ’ οὔ τι προσέφη κορυθαιόλος Ἕκτωρ :

Iliad 6.343: τὸν δ’ Ἑλένη μύθοισι προσηῦδα μειλιχίοισι:

Commented on by msAint 6.191

Iliad 6.344: δᾶερ ἐμεῖο κυνὸς, κακομηχάνου. ὀκρυοέσσης:

Iliad 6.345: ὥς μ’ ὄφελ’ ήματι τῷ ὅτε με πρῶτον τέκε μήτηρ.

Iliad 6.346: οἴχεσθαι προφέρουσα κακὴ ἀνέμοιο θύελλα

Iliad 6.347: εἰς ὄρος ἢ εἰς κῦμα πολυφλοίσβοιο θαλάσσης:

Iliad 6.348: ἔνθά με κῦμ’ ἀπόερσε πάρος τάδε έργα γενέσθαι:

Commented on by msAint 6.192, msA 6.111

Iliad 6.349: αὐτὰρ ἐπεὶ τάδε γ’ ὧδε θεοὶ κακὰ τεκμήραντο:

Iliad 6.350: ἀνδρὸς. ἔπειτ’ ὤφελλον ἀμείνονος εἶναι ἄκοιτις.

Iliad 6.351: ὃς ᾔδη νέμεσίν τε καὶ αἴσχεα πολλ`’ ἀνθρώπων.

Iliad 6.352: τούτῳ δ’ οὔτ’ ἂρ νῦν φρένες ἔμπεδοι οὔτ’ ἂρ ὀπίσσῳ

Iliad 6.353: ἔσσονται. τῶ καί μιν ἐπαυρήσεσθαι ὀΐω:

Commented on by msAint 6.193, msAim 6.253

Iliad 6.354: ἀλλ’’ ἄγε νῦν εἴσελθε. καὶ ἕζεο τῷδ’ ἐπι δίφρῳ

Commented on by msAint 6.194

Iliad 6.355: δᾶερ: ἐπεί σε μάλιστα πόνος φρένας ἀμφιβέβηκεν

Commented on by msA 6.112

Other texts (15 passages)

Scholia group: msA

msA 6.108: ᾕμην ἐν θαλάμῳ προσπνευστέον τὸ η ἐν διατριβειν γὰρ σημαίνει καὶ τὸ καθῆσαι: ὅσοι δὲ ἡθέλησαν σημαντικον εἶναι τὸ ὑπάρχειν ἐψίλωσαν ὃ σπανίως εὑρίσκεται κατα την χρῆσιν των Ἑλλήνων οὗ τὰ ὑποδείγματα διδομεν ἐν τῷ περι των εἰς μι . ὁ μέντοι ποιητὴς οὐκ εχρήσατο ⁑

Comments on 6.336

msA 6.109: ἔθελον δ’ ἄχεϊ προτραπέσθαι δια τὴν λύπην του δυσημερήματος ἤθελον ἀποτραπῆναι μικρον τῆς μάχης. ἔνιοι δὲ εῖξαι ⁑

Comments on 6.336

msA 6.110: νῦν δ’ έμε οτι οὐ κατα τὸ ῥητὸν παράγειοχε την παραμυθίαν: δεῖ δὲ κατα τὸ σιωπωμενον νοῆσαι. δι ὁ καὶ εὑρίσκεται περι τὰ όπλα ἀσχολουμε ⁑

Comments on 6.337

msA 6.111: ἀπόερσε ψιλωτέον τὰ γὰρ φωνήεντα καταλήγοντα εἰς τὸ ρ ἐπιφερομενου του σ ψιλοῦσθαι φιλεῖ ἄρσαντες οὕτως γὰρ ἐλέγομεν περι τούτου καὶ ἐν τῇ ραψωδία Ἀρσινόη . ἐν δὲ σταθμοὺς ἄρσε ὅρσας όρσεο: κυλλοπόδιον ταύτη ἀναλογώτερον τὸ έερσα τρισύλλα ⁑

Comments on 6.348

msA 6.112: ‡ δᾶερ ἔπει μάλιστα τὸ δᾶερ ὡς ἄνερ τοιαῦται γὰρ αἱ εἰς ερ ἐγκλιτικαι: τὴν δε σὲ ἀντωνυμίαν ὀξυτονοῦσι τουτέστιν ὀρθοτονουσιν ἐπεὶ προς τί εστιν. ἐστι μὲν οὖν ἀληθὲς: ὅτι ἀντι διαστταλτική ἐστιν νῦν ἡ ἀντωνυμίᾳ: ἡ μεντοι κοινὴ ἀνάγνωσις ἀνεγνω ἐγκλιτικῶς ἀεὶ μη επι φερομένου συνδέσμου ἔπει σ’ εἴασεν Ἀχιλλεύς : ἐπεί σε πρῶτα κιχάνω: επει σε φυγῶν ᾿ϊκέτευσα: ἐπεί σε λεόντα: οὕτως δὲ καὶ ἕπει σε μάλιστα: πόνος φρένας: καί μοι δοκουσι τῷ πρώτῳ προσώπω’ ακολουθ οἱ οὕτως ἀναγνωκότες πιθανῶς πάνυ: δια γὰρ τῆς φωνης τὸ πρῶτον πρώσωπον ἐπι δείκνυται τό τε ορθοτονουμενον καὶ τὸ ἐγκλιτικον: εἰ γὰρ ἡ εμε αἰτιατικὴ ὅτε φυλάσσει τὸ ε ορθοτονεῖται: εἰ δὲ ἀποβάλοι ἐγκλιτική εστιν εὑρέθη τοίνυν μετα τοῦ ἐπεὶ συνδέσμου παρα τῳ ποιητῃ κατα ταύτην την σύνταξιν ἀποβάλλουσα τὸ ε Ἕκτορ ἐπει με κατ αῖσαν ἐπει μ’ ἀφελεσθέ γε δόντες τούτῳ τοίνυν τῷ λογῳ πιθανον ἂν εἴη κατακολουθησαντας ἡμας ἀναγινώσκειν ἐγκλιτικως ἐπεί σε μάλιστα ⁑

Comments on 6.355